Fótbolti

Stöð 2 Sport sýnir leik Íslands og Ítalíu á þriðjudaginn

Ingvi Þór Sæmundsson skrifar
Íslensku stelpurnar mæta Ítalíu í fyrstu leikjum sínum á árinu 2021.
Íslensku stelpurnar mæta Ítalíu í fyrstu leikjum sínum á árinu 2021. vísir/vilhelm

Vináttulandsleikur Íslands og Ítalíu á þriðjudaginn verður sýndur beint á Stöð 2 Sport. Þetta er seinni vináttulandsleikur liðanna af tveimur.

Ísland og Ítalía eigast við klukkan 14:00 á morgun. Sá leikur verður sýndur beint á YouTube-rás KSÍ og hægt verður að fylgjast með honum á Vísi.

Seinni leikurinn fer svo fram klukkan 14:00 á þriðjudaginn og verður hann sýndur í beinni útsendingu á Stöð 2 Sport.

Þetta eru fyrstu leikir íslenska liðsins undir stjórn Þorsteins Halldórssonar sem var ráðinn landsliðsþjálfari í lok janúar.

Íslenska liðið verður án fyrirliðans Söru Bjarkar Gunnarsdóttur og Dagnýjar Brynjarsdóttur í leikjunum tveimur gegn Ítalíu. Tveir nýliðar eru í íslenska hópnum, Blikarnir Telma Ívarsdóttir og Hafrún Rakel Halldórsdóttir.

Ítalía er í 13. sæti styrkleikalista FIFA, þremur sætum fyrir ofan Ísland. Ítalir enduðu í 7. sæti á HM í Frakklandi 2019. Ítalía sigraði Ísrael með miklum yfirburðum, 12-0, í síðasta leik sínum í febrúar.

Ísland og Ítalía hafa mæst fimm sinnum áður. Ítalir hafa unnið tvo leiki, Íslendingar einn og tvisvar hefur orðið jafntefli. Ítalía vann síðasta leik liðanna, 2-1, á Algarve-mótinu 2007. Margrét Lára Viðarsdóttir skoraði mark íslenska liðsins.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.