Erlent

Var læstur úti í eigin sendiráði og varði nóttinni í bílnum

Gunnar Reynir Valþórsson skrifar
Sendiherrann ræðir við lögreglu eftir að hafa verið læstur úti.
Sendiherrann ræðir við lögreglu eftir að hafa verið læstur úti. AP/Alastair Grant

Sendiherra Mjanmar í London þurfti að eyða nóttinni í bíl sínum eftir að honum var neitað um inngöngu í sendiráðið þar sem hann alla jafna ræður ríkjum.

Sendiherrann, Kyaw Zwar Minn, segir að hluti starfsfólksins hafi verið rekið út í gærkvöldi og að honum hafi verið sagt að hann væri ekki lengur fulltrúi þjóðar sinnar í Bretlandi. 

Herinn í Mjanmar hrifsaði til sín öll völd í landinu þann fyrsta febrúar síðastliðinn og hneppti lýðræðislega kjörna fulltrúa í varðhald. Almenningur hefur víða mótmælt yfirtöku hersins og hefur það kostað blóðug mótmæli þar sem fjölmargir almennir borgarar hafa legið í valnum. 

Kyaw Zwar Minn sendiherra kallaði síðan eftir því á opinberum vettvangi nýlega að leiðtoga landsins, Aung San Suu Kyi yrði sleppt úr haldi og nú hefur honum verið kastað á dyr í sendiráðinu af fulltrúum hersins. 

Nokkur fjöldi fólks safnaðist saman fyrir framan sendiráðið í London í gærkvöldi þegar fregnir tóku að berast af valdaráni hersins í miðri London og Dominic Raab, utanríkisráðherra Breta hefur þegar fordæmt framferði hersins í garð sendiherrans.

Mjanmar Bretland England
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið