Erlent

Mikið mann­tjón vegna felli­bylsins Seroja

Atli Ísleifsson og Gunnar Reynir Valþórsson skrifa
Fellibylurinn og flóðin sem honum hafa fylgt hafa valdið mikilli eyðileggingu meðal annars í Austur-Flores í Indónesíu.
Fellibylurinn og flóðin sem honum hafa fylgt hafa valdið mikilli eyðileggingu meðal annars í Austur-Flores í Indónesíu. EPA/ROY RG

Að minnsta kosti 157 eru látin og tuga er enn saknað eftir að fellibylurinn Seroja gekk yfir Indónesíu og nágrannaríkið Tímor-Leste á sunnudag.

Flestir hinna látnu bjuggu á afskekktum eyjum í Indónesíu, eða um 130 manns og 27 létust á Tímor-Leste, eða Austur-Tímor, að því er segir í frétt Guardian. 

Þúsundir eru nú án húsaskjóls á svæðinu að sögn yfirvalda. Björgunarlið er enn að störfum að leita í húsarústum en um sjötíu er enn saknað.

Björgunarstarf hefur hinsvegar gengið erfiðlega sökum rafmagnsleysis auk þess sem vegir eru ófærir víða. Þá er veðrið enn slæmt á svæðinu.

Gríðarlegar rigningar fylgdu fellibylnum Seroja og þær orsökuðu flóð og aurskriður á stórum svæðum.

Um tíu þúsund manns hafast nú við í neyðarskýlum og meira óveður virðist vera í kortunum að sögn veðurfræðinga.

Indónesía Tímor-Leste Náttúruhamfarir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið