Innlent

Tveir smitaðir farþegar um borð í Norrænu

Kristín Ólafsdóttir skrifar
Norræna er á leið til landsins með 77 farþega.
Norræna er á leið til landsins með 77 farþega. Vísir/Jóhann K.

Tveir farþegar í Norrænu greindust með kórónuveiruna er þeir komu um borð í ferjuna í Hirtshals í Danmörku. Farþegarnir höfðu báðir framvísað neikvæðu PCR-prófi í samræmi við reglur. Kannað verður við komuna til landsins hvort smitin eru gömul.

Þetta kemur fram í tilkynningu frá lögreglu á Austurlandi. Þar segir að Norræna komi til Seyðisfjarðar í fyrramálið með 77 farþega. 

Smituðu farþegarnir höfðu báðir framvísað neikvæðu PCR-prófi sem uppfyllti skilyrði og var nýrra en 72 klukkustunda gamalt. Þeir hafa síðan verið í einangrun um borð og ekki er því talið að aðrir farþegar hafi orðið útsettir fyrir smiti.

Farþegar Norrænu fara sem fyrr í sýnatöku við komu til landsins, þá í sóttkví í fimm daga og svo í sýnatöku að nýju. 

„Hinir tveir smituðu verða áfram í einangrun eftir komu og undir eftirliti sóttvarnaryfirvalda sem kannar meðal annars hvort mögulega sé um gamalt smit að ræða. Hvorugur hinna smituðu sýnir einkenni COVID smits,“ segir í tilkynningu.

Faraldur kórónuveiru (COVID-19) Norræna Múlaþing
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið