Innlent

Alþjóðamál, mygla, vinnumarkaður og eldgos á Sprengisandi

Elín Margrét Böðvarsdóttir skrifar
Sprengisandur hefst klukkan 10.
Sprengisandur hefst klukkan 10.

Þjóðmálaþátturinn Sprengisandur í umsjá Kristjáns Kristjánssonar verður á sínum stað á Bylgjunni að loknum fréttalestri klukkan tíu. Þátturinn í dag verður fjölbreyttur að vanda og fær Kristján til sín góða gesti.

Albert Jónsson fyrrverandi sendiherra og einn helsti sérfræðingur okkar í alþjóðamálum ætlar að velta upp áhrifum loftslagsbreytinga á alþjóðakerfið, kostnaðinum sem sumar þjóðir kunna að reyna að forðast þegar kemur að því að draga úr losun og fleira því tengt.

Tinna Traustadóttir, foreldri í mygluðum Fossvogsskóla, rökræðir við Skúla Helgason borgarfulltrúa og formann skóla- og frístundaráðs Reykjavíkurborgar, viðbrögð borgarinnar við myglunni og hugmyndir um lausn fyrir börnin í skólanum.

Ásmundur Einar Daðason og Þorgerður Katrín Gunnarsdóttir mætast á tólfta tímanum, rökræða vinnumarkaðsúrræði ríkisstjórnarinnar, efnahagsstjórnina og fleira því tengt.

Í lokin heyrum við í Ara Trausta Guðmundssyni jarðfræðing og Einari Sveinbjörnssyni veðurfræðingi en þeir verða báðir á vappinu við gosstöðvarnar í og við Fagradalsfjall á Reykjanesinu. Þeir munu lýsa því sem fyrir augu ber og spá eitthvað í spilin.

Hægt er að hlusta á þáttinn í spilaranum hér að neðan.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×