Suðurverk bauð lægst í þverun Þorskafjarðar

Kristján Már Unnarsson skrifar 17. febrúar 2021 09:32

Brúin styttir Vestfjarðaveg um níu kílómetra. Í forgrunni má sjá hvar núverandi vegur hlykkjast upp á Hjallaháls. Við ströndina neðst til hægri má sjá veglínuna í átt að Teigsskógi. Vegagerðin

Suðurverk hf. í Kópavogi átti lægsta boð í þverun Þorskafjarðar en tilboð voru opnuð í gær. Þetta er eitt stærsta verk sem Vegagerðin býður út í ár en tilboð Suðurverks hljóðaði upp á 2.237 milljónir króna. Það reyndist 158 milljónum, eða 7,6 prósentum, yfir kostnaðaráætlun upp á 2.078 milljónir króna.

Fimm verktakar buðu í verkið en næstlægsta boð átti Þróttur ehf. á Akranesi, upp á 2.265 milljónir króna, eða 28 milljónum hærra en boð Suðurverks. Aðrir bjóðendur voru ÞG verktakar, Ístak og Íslenskir aðalverktakar, sem áttu hæsta boð, upp á 2.946 milljónir króna, að því er fram kemur á vef Vegagerðarinnar.

Horft inn Þorskafjörð. Áformað er að framkvæmdir hefjist í kringum næstu páska, um mánaðamótin mars - apríl.Egill Aðalsteinsson

Verkið sem kallast Vestfjarðavegur (60) um Gufudalssveit, Kinnarstaðir – Þórisstaðir, er hluti hinnar umdeildu vegagerðar um Teigsskóg og felst í nýbyggingu Vestfjarðavegar á 2,7 kílómetra kafla yfir Þorskafjörð. Innifalið í verkinu er bygging 260 metra langrar brúar á Þorskafjörð. Verkinu skal að fullu lokið 30. júní 2024.

Hér má sjá frétt Stöðvar 2 í síðasta mánuði um verkið:

Suðurverk hefur mikla reynslu af vegagerð á Vestfjörðum. Fyrirtækið er nýbúið að ljúka gerð Dýrafjarðarganga í samstarfi við tékkneska verktakann Metrostav og vinnur núna, sem undirverktaki Íslenskra aðalverktaka, að lagningu nýs vegar í Arnarfirði, milli Dynjanda og Mjólkárvirkjunar.

Suðurverk hefur áður þverað firði á Vestfjarðavegi. Við norðanverðan Breiðafjörð brúaði Suðurverk bæði Kjálkafjörð og Mjóafjörð inn af Kerlingarfirði á árunum 2012 til 2014. Hér má sjá fréttir af þeirri vegagerð:

Teigsskógur Reykhólahreppur Samgöngur Umferðaröryggi Dýrafjarðargöng Vegagerð

Tengdar fréttir

Þverun Þorskafjarðar boðin út en ósamið um Teigsskóg

Vegagerðin auglýsti í dag eitt stærsta útboðsverk ársins, þverun Þorskafjarðar. Óvissa ríkir þó um næstu áfanga þar sem ekki hafa náðst samningar við landeigendur í Teigsskógi. Í Reykhólahreppi sjá menn fram á ný atvinnutækifæri með framkvæmdunum.

13. janúar 2021 21:51

Vegagerð hafin milli Mjólkár og Dynjanda

Vinna er hafin við lagningu nýs vegarkafla Vestfjarðavegar í botni Arnarfjarðar, milli Mjólkárvirkjunar og fossins Dynjanda. Kaflinn er 4,3 kílómetra langur fyrir Meðalnes, milli Dynjandisvogar og Borgarfjarðar. Suðurverk annast stóran hluta verksins sem undirverktaki Íslenskra aðalverktaka.

27. janúar 2021 13:45

Byrjaðir á fyrsta áfanga vegar um Gufudalssveit

Vinna er hafin við sjö kílómetra vegagerð í Gufudalssveit en þetta er fyrsti áfangi hins umdeilda Teigsskógarvegar. Í sveitinni er því fagnað að verkið skuli hafið. Myndir frá vegagerðinni mátti sjá í fréttum Stöðvar 2.

20. nóvember 2020 23:00

Hátíð í heilum fjórðungi þegar langþráð draumsýn rætist

Flaggað var víða á Vestfjörðum í tilefni þess að síðasta haftið í Dýrafjarðagöngum var rofið í dag. Sjaldan eða aldrei hefur jarðgangagerð gengið jafnvel hérlendis.

17. apríl 2019 20:00

Segja Gilsfjarðarbrú bara hafa haft jákvæð áhrif

Tuttugu ár eru í dag frá því Gilsfjarðarbrú var formlega tekin í notkun. Íbúar næst brúnni segja að hún hafi bara haft jákvæð áhrif.

30. október 2018 20:00

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.