Erlent

Bóluefnið frá AstraZeneca aðeins til yngri en 55 ára í Belgíu

Hólmfríður Gísladóttir skrifar
Bólusetning með bóluefninu frá AstraZeneca er hafin víða, meðal annars á Sri Lanka.
Bólusetning með bóluefninu frá AstraZeneca er hafin víða, meðal annars á Sri Lanka. epa/Chamila Karunarathne

Eftirlitsaðilar í Belgíu hafa mælt með því að Covid-19 bóluefnið frá AstraZeneca verði aðeins gefið einstaklingum undir 55 ára, að svo stöddu. Heilbrigðisráðherrann belgíski segir að verið sé að yfirfara bólusetningaráætlun landsins, þar sem stjórnvöld höfðu reitt sig á umrætt bóluefni.

Guardian hefur eftir ráðherranum, Frank Vandenbroucke, sagði ráðgjafanefnd hafa komist að þeirri niðurstöðu að bóluefnið frá AstraZeneca og Oxford-háskóla væri „gott bóluefni“ fyrir einstaklinga á aldrinum 18 til 55 ára. 

Hins vegar lægju ekki fyrir nægar upplýsingar til að segja með vissu að það virkaði jafn vel fyrir eldra fólk. Sagði hann von á frekari gögnum á næstu vikum en von væri á bóluefninu í næstu viku.

Um 25 eftirlitsaðilar samþykkt bóluefnið fyrir alla aldurshópa

Lyfjastofnun Evrópu hefur heimilað notkun bóluefnisins frá AstraZeneca fyrir alla aldurshópa en yfirvöld í Frakklandi, Þýskalandi, Póllandi og Ítalíu hafa engu að síður mælst til þess að það sé aðeins gefið einstaklingum yngri en 65 ára.

Aðeins 6 prósent þátttakenda í þriðja fasa rannsóknum voru í eldri aldurshópnum en þar af fengu 341 bóluefnið og 319 lyfleysu.

Andrew Pollard, forsvarsmaður AstraZeneca/Oxford verkefnisins, sagði í dag að eldra fólk á Bretlandseyjum gæti verið fullvisst um að bóluefnið væri bæði öruggt og áhrifaríkt. Benti hann meðal annars á að það hefði hlotið náð hjá Lyfjastofnun Evrópu og um 25 öðrum eftirlitsaðilum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.