Innlent

Enginn greindist innan­lands í gær

Vésteinn Örn Pétursson skrifar
Frá sýnatöku heilsugæslunnar.
Frá sýnatöku heilsugæslunnar. Vísir/Vilhelm

Enginn greindist með kórónuveiruna innanlands í gær. Sex greindust á landamærunum en mótefnastaða þeirra liggur ekki fyrir.

Þetta staðfestir Jóhann K. Jóhannsson, samskiptastjóri almannavarnadeildar ríkislögreglustjóra, í samtali við Vísi og vísar til bráðabirgðatalna almannavarna.

Covid.is, upplýsingasíða almannavarna og landlæknis um framgang kórónuveirufaraldursins hér á landi, er ekki uppfærð um helgar. Nánari upplýsingar um fjölda sýna, nýgengi og aðrar ítarlegar upplýsingar verða því aðgengilegar á vefnum klukkan ellefu á morgun.

Á föstudag greindist einn einstaklingur með kórónuveiruna innanlands og var sá í sóttkví. Daginn þar áður, fimmtudag, greindist enginn með veiruna. Á miðvikudag greindust þá tveir einstaklingar, báðir í sóttkví.

Samkvæmt covid.is þarf að leita alla leið til 20. janúar til að finna tilfelli þar sem einstaklingur greindist með kórónuveiruna utan sóttkvíar hér á landi.

Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið