Innlent

Fjölnir sigraði Snorra í for­manns­kjörinu

Sylvía Hall skrifar
Fjölnir Sæmundsson tekur við sem formaður stjórnar eftir þing sambandsins.
Fjölnir Sæmundsson tekur við sem formaður stjórnar eftir þing sambandsins. aðsend/vísir

Fjölnir Sæmundsson, lögreglufulltrúi og varaþingmaður Vinstri grænna, hefur verið kjörinn nýr formaður stjórnar Landssambands lögreglumanna. Hann bar sigur úr býtum gegn Snorra Magnússyni sitjandi formanni.

Rafrænni formannskosningu lauk á hádegi í dag. Snorri hefur verið formaður frá árinu 2008 en hann tók við af Sveini Ingiberg Magnússyni.

705 voru á kjörskrá en alls greiddu 519 atkvæði. Fjölnir hlaut 391 atkvæði, eða 75,3 prósent, en Snorri 120 atkvæði eða 23,1 prósent.

Fjölnir tekur við formennsku að loknu þingi sambandsins í vor, en kjörtímabilið er þrjú ár.

Líkt og áður sagði er Fjölnir varaþingmaður Vinstri grænna og hefur hann látið málefni lögreglunnar sig varða á þinginu. Til að mynda biðlaði hann til þingsins að styrkja stöðu lögreglunnar, þar sem hún væri verulega undirmönnuð. 

„Lögreglan er ein af grunnstoðum samfélagsins og allir íbúar landsins eiga að geta fengið þjónustu lögreglu hvenær sem er sólarhringsins með stuttum fyrirvara. Þannig tryggjum við öryggi og vellíðan,“ sagði Fjölnir í ræðu árið 2018.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.