Enginn greindist innan­lands í gær

Þetta kemur fram í uppfærðum tölum á síðunni covid.is. Alls eru nú nítján nú á sjúkrahúsi vegna Covid-19, samanborið við átján í gær.

Fimm greindust smitaðir á landamærum í gær og er niðurstöðu mótefnamælingar beðið í tilviki þeirra allra.

89 manns eru nú í einangrun, samanborið við 106 í gær. Þá eru 222 í sóttkví í dag, samanborið við 227 í gær. 733 eru nú í skimunarsóttkví.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 12,3, en var 12,8 í gær. Nýgengi landamærasmita er nú 18,8, en var 21,8 í gær.

Alls hafa 5.981 manns greinst með kórónuveiruna hér á landi frá því faraldurinn hófst í lok febrúar. Þá hafa 29 dauðsföll verið rakin til Covid-19 á Íslandi frá upphafi faraldursins.

Bólusetningu er nú lokið hjá 4.546 einstaklingum og er hafin hjá 3.703 til viðbótar.

Alls voru tekin 677 einkennasýni hjá sýkla- og veirufræðideild Landspítalans og Íslenskri erfðagreiningu í gær og 560 sýni á landamærunum eða í seinni landamæraskimun. Þá voru 39 sýni tekin í svokallaðri sóttkvíar- og handahófsskimun.

Fréttin verður uppfærð.