Innlent

Bein útsending: Kvöldfréttir Stöðvar 2

Sunna Sæmundsdóttir skrifar
Kvöldfréttir hefjast á samtengdum rásum Stöðvar 2, Bylgjunnar og Vísis á slaginu 18:30.
Kvöldfréttir hefjast á samtengdum rásum Stöðvar 2, Bylgjunnar og Vísis á slaginu 18:30. Vísir

Joe Biden sór embættiseið og tók við völdum sem forseti Bandaríkjanna í dag. Við förum ítarlega yfir málið í kvöldfréttum Stöðvar 2 en vænta má að stefnubreytingar í Hvíta húsinu muni hafa víðtæk áhrif, bæði vestanhafs og á alþjóðavísu.

Í fréttatímanum verður rætt við sérfræðinga um það sem framundan er – meðal annars Albert Jónsson fyrrverandi sendiherra og Ólaf Ragnar Grímsson, fyrrverandi forseta, - auk þess sem Þórir Guðmundsson ritstjóri fréttastofunnar og Þórgnýr Einar Albertsson fréttamaður fara ítarlega yfir málin í fréttaauka eftir íþróttafréttir í kvöld.

Hættustig vegna snjóflóðahættu er nú í gildi á Norðurlandi og nokkur íbúðarhús á Siglufirði hafa verið rýmd. Í kvöldfréttum sýnum við myndir frá skíðasvæðinu í Skarðsdal þar sem snjóflóð féll í morgun.

Við segjum einnig frá því að pólska samfélagið er harmi slegið eftir banaslysið í Skötufirði þar sem mæðgin létust. Málið hefur vakið upp ýmsar upp ýmsar spurningar um innviði landsins og við förum yfir stöðuna í kvöldfréttum.

Þá verður rætt við skipstjóra sem fann þykkar loðnutorfur um helgina og við kynnum okkur nýjar vísbendingar sem eru taldar styðja þá kenningu að grískur sæfari hafi fundið Ísland fjórum öldum fyrir krist.

Þetta og margt fleira á samtengdum rásum Stöðvar 2 og Bylgjunnar klukkan 18:30. Kvöldfréttirnar eru nú í lokaðri dagskrá en áskrifendur geta horft á þær hér á stod2.is. Einnig er hægt að hlusta á fréttirnar á Bylgjunni hér í spilaranum fyrir ofan.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.