Svava Kristín Grétarsdóttir greindi frá þessu í Seinni bylgjunni í kvöld. „Rétt fyrir þátt fékk ég að vita að Martha Hermanns yrði ekki meira með.“
Sérfræðingar þáttarins, Þorgerður Anna Atladóttir og Sunneva Einarsdóttir, voru gáttaðar á þessum fréttum.
Ljóst er að þetta er mikil áfall fyrir KA/Þór enda hefur Martha verið besti leikmaður liðsins undanfarin ár.
Martha var í hópi markahæstu leikmanna Olís-deildarinnar á síðasta tímabili en hún skoraði 95 mörk í átján leikjum. KA/Þór endaði í 6. sæti og komst í bikarúrslit þar sem liðið steinlá fyrir Fram.
KA/Þór sækir Hauka heim í Olís-deildinni á morgun. Leikurinn hefst klukkan 16:00.

Seinni bylgjan er uppgjörsþáttur Stöðvar 2 Sports um Olísdeildir karla og kvenna í handbolta og er á dagskrá öll mánudagskvöld. Upptökur af þættinum má nálgast á sjónvarpsvef Stöðvar 2. Olísdeildin er hluti af Stöð 2 Sport Ísland.