Erlent

22 kín­verskir námu­menn fastir eftir sprengingu

Atli Ísleifsson skrifar
Námuslys eru tiltölulega algeng í Kína þar sem öryggisreglum er ekki alltaf framfylgt sem skyldi. Myndin er úr safni.
Námuslys eru tiltölulega algeng í Kína þar sem öryggisreglum er ekki alltaf framfylgt sem skyldi. Myndin er úr safni. Getty

Hópur námumanna í Shandong-hérði í norðausturhluta Kína hefur verið fastur í gullnámu í tvo daga eftir sprengingu í námunni. Sprengingin skemmdi fjarskiptakerfi námunnar og hefur ekki tekist að ná sambandi við hópinn.

Kínversk yfirvöld hafa sent björgunarlið að námunni, en alls eru 22 námumenn fastir í , að því er fram kemur í frétt DW.

Sprengingin varð síðdegis á sunnudaginn í námunni sem er að finna nærri Qixia. Inngangurinn í námuna féll saman auk þess að fjarskiptakerfi námunnar eyðilagðist.

Náman er í eigu Shandong Wucailong Investment Co Ltd sem er í eigu Zhaojin Mining, fjórða stærsta gullnámufélags landsins.

Námuslys eru tiltölulega algeng í Kína þar sem öryggisreglum er ekki alltaf framfylgt sem skyldi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.