Innlent

Þrír greindust innan­lands og sautján á landamærum

Atli Ísleifsson skrifar
Um 5.900 manns hafa nú greinst með kórónuveiruna hér á landi frá upphafi heimsfaraldursins.
Um 5.900 manns hafa nú greinst með kórónuveiruna hér á landi frá upphafi heimsfaraldursins. Vísir/Vilhelm

Þrír greindust með kórónu­veiruna innan­lands í gær. Allir þeir sem greindust voru í sóttkví.

Þetta kemur fram í uppfærðum tölum á síðunni covid.is.Líkt og í gær þá eru tuttugu nú á sjúkrahúsi vegna Covid-19,, en enginn á gjörgæslu. Í gær voru tuttugu á sjúkrahúsi og enginn á gjörgæslu.

Sautján greindust smitaðir á landamærum í gær.

143 manns eru nú í einangrun, sami fjöldi og í gær. Þá eru 352 í sóttkví í dag, samanborið við 351 í gær. 2.002 eru nú í skimunarsóttkví.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 20,5 eins og í gær. Þá er nýgengi landamærasmita nú 21,5, en var 20,7 í gær.

Alls hafa 5.898 manns greinst með kórónuveiruna hér á landi frá því faraldurinn hófst í lok febrúar. Þá hafa 29 dauðsföll verið rakin til Covid-19 á Íslandi frá upphafi faraldursins.

Alls voru tekin 328 einkennasýni hjá sýkla- og veirufræðideild Landspítalans og Íslenskri erfðagreiningu í gær og 1086 sýni á landamærunum eða í seinni landamæraskimun. Þá voru tekin níutíu sýni í sóttkvíar- og handahófsskimun.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.