Menning

Rithöfundurinn Eric Jerome Dickey látinn

Atli Ísleifsson skrifar
Eric Jerome Dickey varð 59 ára.
Eric Jerome Dickey varð 59 ára. AP

Bandaríski metsölurithöfundurinn Eric Jerome Dickey er látinn, 59 ára að aldri. Hann lést um helgina eftir glímu við krabbamein.

Dickey sló í gegn árið 1996 þegar skáldsaga hans, Sister Sister, kom út, en meðal annarra bóka hans má nefna Milk in my coffee, Friends and lovers og Cheaters, sem allar rötuðu inn á metsölulista New York Times.

Voru margar sögur hans blanda af glæpasögu, rómantík og erótík. Síðasta bók hans, The Son of Mr. Suleman, kom út í apríl síðastliðinn.

Í tilkynningu frá Dutton, útgáfufélagi Dickey, segir að rithöfundurinn hafi elskað að skora á sjálfan sig með hverri bók. „Hann dýrkaði lesendur sína og aðdáendur og var alla tíð þakklátur fyrir vinsældirnar. Við erum stolt af því að hafa allan hans feril, þar sem hann vann til fjölda verðlauna, gefið úr bækur hans. Hann verður virkilega saknað.“




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.