Mikið um ónæði vegna flugeldasprenginga

Tryggvi Páll Tryggvason skrifar 3. janúar 2021 07:20

Lögregla hafði ýmislegt að gera í gær. Vísir

Lögregla sinnti alls 84 verkefnum á klukkutímunum tólf á milli klukkan sautján síðdegis í gær þangað til klukkan fimm í nótt. Þar af voru 25 útköll vegna tilkynninga um hávaða og ónæði vegna flugeldasprenginga á öllu höfuðborgarsvæðinu.

Þetta kemur fram í dagbók lögreglu þar sem meðal annars kemur fram að eldur hafi kviknað í grilli á svölum íbúðar í miðborginni. Greiðlega gekk að slökkva eldinn.

Þá var bifreið stöðvuð í hverfi 105. Ökumaðurinn er grunaður um akstur bifreiðar undir áhrifum fíkniefna og ítrekaðan akstur sviptur ökuréttindum. Farþegi í bifreiðinni mun hafa skipt um sæti við ökumann áður en bifreiðin stöðvaði og er hann einnig grunaður um akstur bifreiðar undir áhrifum fíkniefna.

Einnig var tilkynnt um slys í miðborginni rétt fyrir klukkan tíu í gærkvöldi. Það hafði maður dottið á hlaupum og meiðist á hendi og fæti. Verkir í fæti og aflögun á tveimur fingrum reyndust afleiðingarnar.

Laust eftir klukkan eitt í nótt var einnig tilkynnt um slys í miðborginni en þar fannst maður með skerta meðvitund eftir fall. Var maðurinn fluttur á sjúkrahús.

Lögreglumál Flugeldar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.