Viðskipti innlent

World Class lokað og kortin fryst á meðan

Kolbeinn Tumi Daðason skrifar
Hlaupabrettin munu standa ónotuð næstu vikurnar. World Class mun ekki lána búnað til viðskiptavina sinna.
Hlaupabrettin munu standa ónotuð næstu vikurnar. World Class mun ekki lána búnað til viðskiptavina sinna. Vísir/Vilhelm

Forsvarsmenn líkamsræktarstöðvarinnar World Class greina frá því að frá og með morgundeginum verði allar stöðvar fyrirtækisins lokaðar. Tímabilinu sem er lokað verður bætt sjálfkrafa aftan við áskriftir og kort viðskiptavina stöðvarinnar.

Í tilkynningu frá World Class kemur fram að lokunin sé að tilskipun frá heilbrigðisráðherra. Frá og með miðnætti í kvöld er tekið í gildi samkomubann sem tekur til fleiri en tuttugu manns.

„Við tökum fram að á meðan stöðvarnar eru lokaðar verða engar undanþágur veittar til æfinga og að sama skapi mun World Class hvorki leigja út né lána búnað.

Tímabilið meðan lokað er verður notað í viðhald og endurbætur,“ segir í tilkynningunni.

World Class gerir ráð fyrir að opna stöðvar sínar aftur þann 14. apríl, þ.e. miðað við það 30 daga samkomubann sem er nú í gangi.

Faraldur kórónuveiru (COVID-19) Heilsa Samkomubann á Íslandi Líkamsræktarstöðvar

Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið