Ólafur Örn bikarmeistari

Landsliðsmaðurinn Ólafur Örn Bjarnason varð í dag norskur bikarmeistari með liði sínu Brann. Brann rótburstaði Lyn 4-1 þar sem framherjinn Bengt Sæternes fór á kostum og skoraði þrennu. Úrslit leiksins voru í raun ráðin eftir hálftíma leik en þá var staðan 4-1 fyrir Brann en þeir síðarnefndu skoruðu þrjú af þessum fóru mörkum á fyrstu 13 mínútunum. Ólafur Örn lék allan leikinn og átti góðan dag fyrir framan pakkfullan þjóðarleikvang Norðmanna, Ullevall. Kappinn fékk sex í einkunn fyrir leik sinn hjá netútgáfu dagblaðsins Nettavisen. Hetja Brann, Bengt Sæternes, er líklega ekki vel liðinn meðal leikmanna Lyn en hann skoraði einnig þrennu er þessi lið mættust í lok norsku deildarkeppninnar. Þá vann Brann 5-1 á heimavelli.