PSG á toppinn

Róbert Gunnarsson var á leikskýrslu þegar PSG vann góðan sigur á Celje Lasko, 32-27, í Meistaradeild Evrópu í dag.

Róbert hefur nánast ekkert fengið að spila með PSG síðustu vikurnar og kom ekkert við sögu í dag.

Sjá einnig: Þjálfari PSG segir að Róbert sé á förum frá félaginu

Með sigrinum náði PSG að hirða efsta sæti A-riðils af ungverska liðinu Veszprem, sem fyrr í dag tapaði fyrir Kiel í Þýskalandi.

PSG er með sextán stig, einu meira en Veszprem og tveimur meira en Flensburg sem á leik til góða. Kiel er svo í fjórða sætinu með ellefu stig.

Daniel Narcisse skoraði átta mörk fyrir PSG í dag og Mikkel Hansen sjö.