Erlent

Brasilíumenn segjast óttast hungrið meira en veiruna

Þórgnýr Einar Albertsson skrifar
Samkomu- og ferðabann er í gildi víða í Brasilíu en til stendur að aflétta aðgerðum á næstunni.
Samkomu- og ferðabann er í gildi víða í Brasilíu en til stendur að aflétta aðgerðum á næstunni. EPA/Fernando Bizerra

Fátækir Brasilíumenn eru óánægðir með viðbrögð stjórnvalda við kórónuveirufaraldrinum og segjast hræddari við hungrið en veiruna. Fimm þúsund hafa látist og atvinnuleysi aukist mjög.

Tugir söfnuðust saman í röð fyrir utan ríkisbanka í Rio de Janeiro í dag og vonuðust eftir því að fá þann neyðarstyrk sem ríkisstjórnin hefur lofað. Fólk var farið að tínast á staðinn vel fyrir sólarupprás.

Ivanilson Ulisses er 49 ára og hefur verið atvinnulaus í áratug. Hann segist allslaus og sakar stjórnvöld um skeytingarleysi í garð fátækra.

„Peningarnir eiga að vera eins og verkjalyf. En við hvaða sársauka? Við óttumst ekki kórónuveiruna, hún drepur, en hungrið er grimmara.“

Brasilíumönnum stendur til boða að fá um þrettán þúsund króna styrk. Þrítugi handsnyrtirinn Maiara dos Sales segir þetta duga afar skammt.

„Þetta er afar erfitt ástand. Ég borga þessa upphæð í leigu á mánuði. Sonur minn þarfnast lyfja. Peningarnir myndu fara til hans en þetta dugir skammt.“

Brasilía Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið