Þaki haldið í skefjum

Þaki á einbýlishúsi á Höfn í Hornarfirði var haldið í skefjum með skurðgröfu í gær. Hávaðarok var í bænum, líkt og víða um land, og fylgdust björgunarsveitarmenn árvökulum augum með því sem hugsanlega gat tekist á loft. Sáu þeir meðal annars að þak á einbýlishúsi í bænum var á góðri leið með að sviptast af í verstu kviðunum en töldu óráðlegt að ráðast til atlögu með hamri og nöglum. Datt einum þeirra það snjallræði í hug að aka skurðgröfu sinni að húsinu og tylla skóflunni ofan á þakið. Reyndist ráðið gott og bar grafan vindinn ofurliði.