1000 ára gamall ruslahaugur grafinn upp

Fornleifafræðingar frá Fornleifastofnun Íslands munu taka þátt í uppgreftri á Görðum á Grænlandi í júlí og ágúst. Rústasvæðið kom í ljós árið 2005 þegar unnið var að framræslu votlendis skammt frá. Vegna framræslunnar hefur mýrin þornað upp og er varðveislu leifanna því hætta búin.

?Við verðum fjögur frá Íslandi en þetta verður um 10 manna lið sem mun vinna við uppgröftinn, bæði bandarískir samstarfsmenn og aðrir frá Þjóðminjasafninu í Nuuk?, segir Orri Vésteinsson fornleifafræðingur og prófessor við Háskóla Íslands, en hann mun stjórna uppgreftrinum. Hann segir uppgröftinn mikilvægan til að varpa ljósi á líf hinna fornu Grænlendinga:

?Við vitum að þarna viðist vera mikið af vel varðveittum gripum og dýrabeinum,? segir Orri. Um er að ræða ruslahaug sem lent hefur úti í mýri og inniheldur muni sem taldir eru vera frá árunum 983-1450.

?Menn hafa mestan áhuga á að vita hvers konar efnahagur var rekinn þarna í ljósi þess að byggðin lagðist af, en hún lagðist í eyði á fimmtándu öld. Það er ekki ennþá vitað nákvæmlega af hverju, þannig að þetta er svolítill leyndardómur.?- ktg