Innlent

Enginn með kórónuveiruna í öndunarvél í fyrsta sinn í fimm vikur

Stefán Ó. Jónsson skrifar
Martin Ingi Sigurðsson, yfirlæknir í svæfinga- og gjörgæslulækningum, við bráðamóttökuna í Fossvogi.
Martin Ingi Sigurðsson, yfirlæknir í svæfinga- og gjörgæslulækningum, við bráðamóttökuna í Fossvogi. vísir/egill

Enginn sem smitast hefur af kórónuveirunni styðst nú við öndunarvél. Það hefur ekki gerst í rúmar fimm vikur, eða frá því að fyrsti kórónuveirusmitaði einstaklingurinn var tengdur við slíkan búnað.

Martin Ingi Sigurðsson, yfirlæknir í svæfinga- og gjörgæslulækningum, segir að þau gleðitíðindi hafi borist af gjörgæslunni í Fossvogi að síðasti sjúklingurinn, sem var í öndunarvél vegna covid 19-sjúkdóms, hafi losnað úr vélinni í morgun.

Um töluverðan viðsnúning sé að ræða frá því þegar staðan var hvað alvarlegust. Þá hafi 16 einstaklingar í Reykjavík og á Akureyri verið meðhöndlaðir í öndunarvél á sama tíma vegna covid-sjúkdóms. Þrír þeirra létust en hin þrettán komust úr öndunarvélameðferð.

Alls voru 13 einstaklingar innlagðir á sjúkrahús vegna veirunnar í gær, en von er á nýjum tölum um stöðu faraldursins núna klukkan 13. Virk smit voru 174 talsins og hafði fækkað um rúmlega 300 á tíu dögum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.