Icesave: Blaðamannafundur í beinni á Vísi og Bylgjunni

Boðað hefur verið til blaðamannafundar í Iðnó klukkan 18:00 í dag þar sem afrakstur Icesave-viðræðnanna verður kynntur. Fundurinn verður í beinni útsendingu á Vísi og á Bylgjunni.

Samninganefndir Íslands, Bretlands og Hollands funduðu um málefni Icesave í Lundúnum í gær, miðvikudag og liggur samningur nú fyrir. Málið verður fyrst kynnt formönnum stjórnmálaflokkanna sem tilnefndu fulltrúa í samninganefndina.

Því næst fá utanríkis-og fjárlaganefnd, þingflokkar og aðilar vinnumarkaðarins kynningu. Að því loknu mætir samninganefndin á blaðamannafundinn í Iðnó til þess að kynna málið opinberlega.