Fluttu á Seyðisfjörð til að bæta lífsgæði fjölskyldunnar Sylvía Rut Sigfúsdóttir skrifar 23. janúar 2020 17:30 Katla Rut Pétursdóttir og Kolbeinn Arnbjörnsson stofnuðu saman leikfélag á Seyðisfirði og frumsýna sitt fyrsta verk í febrúar. Katla Rut Pétursdóttir var alin upp á Seyðisfirði til 16 ára aldurs og hefur verið með annan fótinn þar síðan. Árið 2018 flutti hún aftur til Seyðisfjarðar og hefur nú stofnað þar atvinnuleikhóp og sviðslistafélag með Kolbeini Arnbjörnssyni eiginmanni sínum. Hópurinn Lið fyrir Lið frumsýnir verkið Skarfur á Seyðisfirði þann 7. febrúar en verkið verður einnig sýnt í Þjóðleikhúsinu í Reykjavík. „Verkefnið hefur verið í gangi í tvö ár og farið í gegnum margskonar umbreytingarferli á þeim tíma,“ segir Katla í samtali við Vísi. Katla og Kolbeinn kynntust fyrir tíu árum síðan, árið 2009, þegar þau léku par í stuttmynd. „Stefnan var aldrei beint tekin á Seyðisfjörð en í hvert einasta skipti sem við heimsóttum staðinn þá leið okkur einstaklega vel. Fluttum síðan í maí 2018. Seldum íbúð í 104 og keyptum okkur einbýlishús á Seyðisfirði með því markmiði að bæta við lífsgæði okkar og dætra okkar, meiri rými, nálægð við náttúruna og vilja um að gera húsið algjörlega upp.“ Hryggjarliðirnir pössuðu saman Sviðslistafélagið Lið fyrir lið var stofnað í janúar á síðasta ári og Skarfur er fyrsta verk félagsins. Katla og Kolbeinn eru einu meðlimir leikfélagsins. „Félagið samanstendur af okkur hjónunum en auðvitað þegar búa á til sviðsverk þarf að sækja aðstoð og vinnu til margra. Í samstarfshópi okkar að þessu sinni er leikstjóri, tónlistarmaður, grafískur hönnuður, ljósmyndari, leikmyndasmiður, ljósahönnuður, markaðsteymi og svo lengi mætti upp telja. Við erum alltaf opin fyrir samstarfi því okkar markmið er að efla, skapa og bæta við nú þegar fjölbreytta lista- og menningarflóru Austurlands. Sem dæmi má nefna erum við nú þegar byrjuð í samtali og samstarfi við danshöfund sem býr í Reykjavík sem vill flytja verk sitt austur og við rithöfund sem býr einnig fyrir sunnan um skrif á kvikmyndahandriti, byggt á hugmynd sem kviknaði út frá sviðslistaverkinu Skarfi.“ Nafnið á félaginu, Lið fyrir lið, er þeim mjög persónulegt. „Sumarið þegar við kynntumst vorum við á göngu í fjörunni á Melrakkasléttu á landi fjölskyldunnar minnar. Ég hafði týnt bein, hryggjarlið úr dýri, sennilega kind, og geymt í vasanum. Þegar við komum svo að húsinu aftur þá dregur Kolbeinn upp nákvæmlega eins hryggjarlið og réttir mér. Ég rétti honum minn og það var eiginlega okkar trúlofun. Hryggjarliðirnir pössuðu saman. Lið fyrir lið hefur svo auðvitað skemmtilega skírskotun bæði í verklag og samvinnu.“ Skarfur er nýtt íslenskt sviðsverk á 70 ára afmælisdagskrá Þjóðleikhússins. Sviðsverkið er skrifað af Kolbeini sem er einnig flytjandi verksins og er styrkt af Menningar-og menntamálaráðuneytinu, Rannís og uppbyggingarsjóði Austurlands. „Skarfur er rannsókn á skynjun, náttúru, tíma, minningum og arfleið. Stór og epísk rannsóknarefni sem við nálgumst með næmni og forvitni.“ Leikstjóri verksins er Pétur Ármannsson, nýráðinn dramatúrg við Borgarleikhúsið en hljóðheimur og tónlist er í höndum Benna Hemm Hemm. Tvær vikur eru í frumsýningu og Katla segir að undirbúningurinn gangi virkilega vel. „Þökk sé samstilltum hópi, vinnusemi, næmni og ómetanlegri aðstoð frá ótal fólki í kringum okkur.“ Um verkið: Í verkinu Skarfur leitast sviðslistahópurinn Lið fyrir Lið við að umbreyta hugsuninni um að skynjun og skilningur séu andstæðir pólar í gegnum náttúruna í manninum og manninn í náttúrunni. Vandamál manneskjunnar á lífsleiðinni virðast alltaf vera köllun til umbreytinga og viðhorfsbreytinga. Umhverfið er hugsanlega vinnustofa listamanns, rannsóknarstofa, geimskip, leikherbergi barns, eyðimörk, fjallgarður. Andlitsdrættir og svipbrigði aðalpersónu verksins hafa ekki enn verið fullskapaðir. Hún mátar sig við heiminn í gegnum ferðalag sem minnir helst á draum. Hvað sjáum við, heyrum, finnum, skiljum og skynjum? Frumleg og fyndin sýning sem kemur áhorfendanum sífellt á óvart. Ástin og lífið Leikhús Seyðisfjörður Mest lesið Svona verður dagskráin á Menningarnótt Lífið Bjargaði lífi systur sinnar ellefu ára gömul Lífið Serena Williams opnar sig um notkun þyngdarstjórnunarlyfja Lífið Níu ástæður fyrir því að stunda morgunkynlíf Lífið Woody Allen aðalnúmerið hjá Rússum Bíó og sjónvarp Stjörnum prýdd dagskrá Bylgjunnar í Hljómskálagarðinum Lífið samstarf Fréttatía vikunnar: Svíþjóð, sektir og vextir Lífið Ný viðbygging við Þjóðleikhúsið „langþráður draumur“ Menning Hlynur Pálmason með þrennu í San Sebastian Bíó og sjónvarp Mamman grét, eiginmaðurinn fraus en Veru var létt Lífið Fleiri fréttir Miklar tilfinningar og mikil stemning í Reykjavíkurmaraþoninu Serena Williams opnar sig um notkun þyngdarstjórnunarlyfja Fréttatía vikunnar: Svíþjóð, sektir og vextir Bjargaði lífi systur sinnar ellefu ára gömul Níu ástæður fyrir því að stunda morgunkynlíf Bragðgóðar kalkúnabollur í kókos og límónusósu Hörður Björgvin kom Móeiði á óvart HAF-hjónin breyta vídjóleigu í bakarí Ari og Helga Lilja flytja á milli glæsihúsa í Garðabæ Mamman grét, eiginmaðurinn fraus en Veru var létt Innlit í nýtt svefnhólfahótel við Hverfisgötu Millie Bobby Brown og Bongiovi hafa ættleitt stúlku Fullkomið og fór langt fram úr væntingum Þungarokkstjarna lést í mótorhjólaslysi Lil Nas X handtekinn og vistaður á sjúkrahúsi Fjögurra daga Njáluhátíð sett á Hvolsvelli í kvöld Tvö maraþon eftir af sex: Úr þoku í sól, misörlátir ferðamenn og hálendið kvatt „Sjúllaður“ sítrónu og jarðaberja næturgrautur Draumadís Þórhildar og Hjalta komin í heiminn Svona verður dagskráin á Menningarnótt Breskur auðkýfingur brjálaður og norsku kafararnir of dýrir Nafn sonarins innblásið af Frakklandi Súrrealískt þegar Jay Leno vinkaði fjölskyldunni á Facetime Borgarstjóri fagnaði brúðkaupsafmæli með strætóferð og indverskum mat Svarar samskiptastjóra Trump sem kallaði hann lúser Þetta borðar Lína Birgitta alla morgna „Indælasti dómari í heimi“ er látinn Seiðandi víbrur sem virka í bólinu Þegar Jónas var jarðsettur hundrað árum eftir andlátið Ein frægasta bakrödd landsins gifti sig Sjá meira
Katla Rut Pétursdóttir var alin upp á Seyðisfirði til 16 ára aldurs og hefur verið með annan fótinn þar síðan. Árið 2018 flutti hún aftur til Seyðisfjarðar og hefur nú stofnað þar atvinnuleikhóp og sviðslistafélag með Kolbeini Arnbjörnssyni eiginmanni sínum. Hópurinn Lið fyrir Lið frumsýnir verkið Skarfur á Seyðisfirði þann 7. febrúar en verkið verður einnig sýnt í Þjóðleikhúsinu í Reykjavík. „Verkefnið hefur verið í gangi í tvö ár og farið í gegnum margskonar umbreytingarferli á þeim tíma,“ segir Katla í samtali við Vísi. Katla og Kolbeinn kynntust fyrir tíu árum síðan, árið 2009, þegar þau léku par í stuttmynd. „Stefnan var aldrei beint tekin á Seyðisfjörð en í hvert einasta skipti sem við heimsóttum staðinn þá leið okkur einstaklega vel. Fluttum síðan í maí 2018. Seldum íbúð í 104 og keyptum okkur einbýlishús á Seyðisfirði með því markmiði að bæta við lífsgæði okkar og dætra okkar, meiri rými, nálægð við náttúruna og vilja um að gera húsið algjörlega upp.“ Hryggjarliðirnir pössuðu saman Sviðslistafélagið Lið fyrir lið var stofnað í janúar á síðasta ári og Skarfur er fyrsta verk félagsins. Katla og Kolbeinn eru einu meðlimir leikfélagsins. „Félagið samanstendur af okkur hjónunum en auðvitað þegar búa á til sviðsverk þarf að sækja aðstoð og vinnu til margra. Í samstarfshópi okkar að þessu sinni er leikstjóri, tónlistarmaður, grafískur hönnuður, ljósmyndari, leikmyndasmiður, ljósahönnuður, markaðsteymi og svo lengi mætti upp telja. Við erum alltaf opin fyrir samstarfi því okkar markmið er að efla, skapa og bæta við nú þegar fjölbreytta lista- og menningarflóru Austurlands. Sem dæmi má nefna erum við nú þegar byrjuð í samtali og samstarfi við danshöfund sem býr í Reykjavík sem vill flytja verk sitt austur og við rithöfund sem býr einnig fyrir sunnan um skrif á kvikmyndahandriti, byggt á hugmynd sem kviknaði út frá sviðslistaverkinu Skarfi.“ Nafnið á félaginu, Lið fyrir lið, er þeim mjög persónulegt. „Sumarið þegar við kynntumst vorum við á göngu í fjörunni á Melrakkasléttu á landi fjölskyldunnar minnar. Ég hafði týnt bein, hryggjarlið úr dýri, sennilega kind, og geymt í vasanum. Þegar við komum svo að húsinu aftur þá dregur Kolbeinn upp nákvæmlega eins hryggjarlið og réttir mér. Ég rétti honum minn og það var eiginlega okkar trúlofun. Hryggjarliðirnir pössuðu saman. Lið fyrir lið hefur svo auðvitað skemmtilega skírskotun bæði í verklag og samvinnu.“ Skarfur er nýtt íslenskt sviðsverk á 70 ára afmælisdagskrá Þjóðleikhússins. Sviðsverkið er skrifað af Kolbeini sem er einnig flytjandi verksins og er styrkt af Menningar-og menntamálaráðuneytinu, Rannís og uppbyggingarsjóði Austurlands. „Skarfur er rannsókn á skynjun, náttúru, tíma, minningum og arfleið. Stór og epísk rannsóknarefni sem við nálgumst með næmni og forvitni.“ Leikstjóri verksins er Pétur Ármannsson, nýráðinn dramatúrg við Borgarleikhúsið en hljóðheimur og tónlist er í höndum Benna Hemm Hemm. Tvær vikur eru í frumsýningu og Katla segir að undirbúningurinn gangi virkilega vel. „Þökk sé samstilltum hópi, vinnusemi, næmni og ómetanlegri aðstoð frá ótal fólki í kringum okkur.“ Um verkið: Í verkinu Skarfur leitast sviðslistahópurinn Lið fyrir Lið við að umbreyta hugsuninni um að skynjun og skilningur séu andstæðir pólar í gegnum náttúruna í manninum og manninn í náttúrunni. Vandamál manneskjunnar á lífsleiðinni virðast alltaf vera köllun til umbreytinga og viðhorfsbreytinga. Umhverfið er hugsanlega vinnustofa listamanns, rannsóknarstofa, geimskip, leikherbergi barns, eyðimörk, fjallgarður. Andlitsdrættir og svipbrigði aðalpersónu verksins hafa ekki enn verið fullskapaðir. Hún mátar sig við heiminn í gegnum ferðalag sem minnir helst á draum. Hvað sjáum við, heyrum, finnum, skiljum og skynjum? Frumleg og fyndin sýning sem kemur áhorfendanum sífellt á óvart.
Ástin og lífið Leikhús Seyðisfjörður Mest lesið Svona verður dagskráin á Menningarnótt Lífið Bjargaði lífi systur sinnar ellefu ára gömul Lífið Serena Williams opnar sig um notkun þyngdarstjórnunarlyfja Lífið Níu ástæður fyrir því að stunda morgunkynlíf Lífið Woody Allen aðalnúmerið hjá Rússum Bíó og sjónvarp Stjörnum prýdd dagskrá Bylgjunnar í Hljómskálagarðinum Lífið samstarf Fréttatía vikunnar: Svíþjóð, sektir og vextir Lífið Ný viðbygging við Þjóðleikhúsið „langþráður draumur“ Menning Hlynur Pálmason með þrennu í San Sebastian Bíó og sjónvarp Mamman grét, eiginmaðurinn fraus en Veru var létt Lífið Fleiri fréttir Miklar tilfinningar og mikil stemning í Reykjavíkurmaraþoninu Serena Williams opnar sig um notkun þyngdarstjórnunarlyfja Fréttatía vikunnar: Svíþjóð, sektir og vextir Bjargaði lífi systur sinnar ellefu ára gömul Níu ástæður fyrir því að stunda morgunkynlíf Bragðgóðar kalkúnabollur í kókos og límónusósu Hörður Björgvin kom Móeiði á óvart HAF-hjónin breyta vídjóleigu í bakarí Ari og Helga Lilja flytja á milli glæsihúsa í Garðabæ Mamman grét, eiginmaðurinn fraus en Veru var létt Innlit í nýtt svefnhólfahótel við Hverfisgötu Millie Bobby Brown og Bongiovi hafa ættleitt stúlku Fullkomið og fór langt fram úr væntingum Þungarokkstjarna lést í mótorhjólaslysi Lil Nas X handtekinn og vistaður á sjúkrahúsi Fjögurra daga Njáluhátíð sett á Hvolsvelli í kvöld Tvö maraþon eftir af sex: Úr þoku í sól, misörlátir ferðamenn og hálendið kvatt „Sjúllaður“ sítrónu og jarðaberja næturgrautur Draumadís Þórhildar og Hjalta komin í heiminn Svona verður dagskráin á Menningarnótt Breskur auðkýfingur brjálaður og norsku kafararnir of dýrir Nafn sonarins innblásið af Frakklandi Súrrealískt þegar Jay Leno vinkaði fjölskyldunni á Facetime Borgarstjóri fagnaði brúðkaupsafmæli með strætóferð og indverskum mat Svarar samskiptastjóra Trump sem kallaði hann lúser Þetta borðar Lína Birgitta alla morgna „Indælasti dómari í heimi“ er látinn Seiðandi víbrur sem virka í bólinu Þegar Jónas var jarðsettur hundrað árum eftir andlátið Ein frægasta bakrödd landsins gifti sig Sjá meira