Innlent

Jarðskjálftinn stærri en í fyrstu var talið

Tryggvi Páll Tryggvason skrifar
Bárðarbunga er hæsti punkturinn á norðvesturhluta Vatnajökuls.
Bárðarbunga er hæsti punkturinn á norðvesturhluta Vatnajökuls. Vísir/Garðar

Jarðskjálftinn í Bárðarbungu í nótt reyndist vera 4,8 að stærð, en ekki 4,5 eins og í fyrstu var talið. Engin merki um gosóróa eru merkjanleg í grennd við Bárðarbungu.

Skjálftinn varð rétt fyrir klukkan fjögur í nótt og átti hann upptök sín 7,2 kílómetra austnorðaustan Bárðarbungu.

 Elísabet Pálmadóttir, jarðvársérfræðingur hjá Veðurstofunni, segir í samtali við Vísi að skjálftarnir undir Bárðarbungu séu nokkuð einstakir og að þeim fylgi alltaf vinna við að endurreikna „fyrstu tölur“ ef svo má að orði komast. Engin merki séu þó um gosóróa.

Skjálftinn er einn sá stærsti undir Bárðarbungu frá því að gos hófst í Holuhrauni árið 2014 en í janúar á þessu ári varð jarðskjálfi af sömu stærð og í nótt.

Eldgos og jarðhræringar Bárðarbunga
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið