Víðir, Ey­þór, Vig­dís, Brynjar og Helga Vala meðal gesta í Bítinu

Víðir Reynisson, yfirlögregluþjónn hjá almannavarnadeild ríkislögreglustjóra, var meðal gesta Bítismanna í þætti dagsins.

Þátturinn hefst klukkan 6:50 og er hægt að fylgjast með honum á Stöð 2, Vísi og Bylgjunni alla virka morgna. Sjónvarpsþættinum lýkur klukkan 9, en þátturinn heldur svo áfram á Bylgjunni til klukkan 10.

Eyþór Arnalds, oddviti Sjálfstæðismanna í borginni, og Vigdís Hauksdóttir, oddviti Miðflokksins, mættu einnig í þáttinn, auk þingmannanna Helgu Völu Helgadóttur og Brynjars Níelssonar.

Einnig var slegið á þráðinn til Heimis Hallgrímssonar, fyrrverandi þjálfara karlalandsliðsins í fótbolta.

Þeir Heimir og Gulli ræddu einnig við Sigurð Hannesson, framkvæmdastjóra Samtaka iðnaðarins, og Björg Berg Gunnarsson, deildarstjóra Greiningar og fræðslu Íslandsbanka, en hann ræddi um hvort að það sé góð hugmynd að taka út séreignarsparnaðinn vegna Covid-19 veirunnar.

Að lokum heyrðu Bítismenn í Ágústu Evu Gunnarsdóttur, og frumsýndu í leið myndband með hljómsveit hennar, Sycamore Tree.