Innlent

Fresta á­lagningu van­rækslu­gjalda vegna skoðunar öku­tækja um mánuð

Atli Ísleifsson skrifar
Álagningu vanrækslugjalds þann 1. apríl vegna skoðunar ökutækja verður frestað um einn mánuð til 1. maí vegna COVID-19 faraldursins.
Álagningu vanrækslugjalds þann 1. apríl vegna skoðunar ökutækja verður frestað um einn mánuð til 1. maí vegna COVID-19 faraldursins. visir/vilhelm

Álagningu vanrækslugjalds þann 1. apríl vegna skoðunar ökutækja verður frestað um einn mánuð til 1. maí vegna COVID-19 faraldursins.

Þetta kemur fram í tilkynningu frá samgöngu- og sveitarstjórnarráðuneytinu.

„Gripið er til frestunarinnar vegna aðstæðna í samfélaginu í tengslum við útbreiðslu Covid-19 kórónaveirunnar. Frestunin stuðlar m.a. að því að fólk geri sér ekki sérstaka ferð, oft um langan veg, til að fá skoðun. Einnig hefur nokkrum skoðunarstöðvum þegar verið lokað um óákveðinn tíma vegna ástandsins.

Álagningin þann 1. apríl hefði tekið til eigenda þeirra bifreiða sem hafa 1 í endastaf og hefðu því átt að láta skoða ökutæki sín þá. Álagningin tekur einnig til þeirra sem fóru með ökutæki í skoðun í janúar sl. og áttu að fara í endurskoðun skv. ákvörðun skoðunarmanns ekki síðar en í lok febrúar. Þessari álagningu verður því frestað til 1. maí,“ segir í tilkynningunni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.