Innlent

Efnahagsaðgerðir og ferðaþjónustan í Víglínunni

Vésteinn Örn Pétursson skrifar

Stjórnvöld kynntu umfangsmiklar efnahagsaðgerðir í gær til að bregðast við þeirri erfiðu stöðu sem blasir við og á sér enga hliðstæðu. Enn ríkir mikil óvissa um hvað verður, til að mynda hvað varðar stöðu Icelandair og hvernig mun ganga að halda vaxandi atvinnuleysi í skefjum svo fátt eitt sé nefnt. Rýnt verður í aðgerðirnar sem stjórnvöld kynntu í gær í þjóðmalaþættinum Víglínunni á Stöð 2 þar sem Elín Margrét Böðvarsdóttir fréttamaður ræðir við Bjarna Benediktsson, fjármála- og efnahagsráðherra.

Þá verður Kristófer Oliversson, formaður Fyrirtækja í hótel- og gistiþjónustu og eiganda og framkvæmdastjóri Center hótela, einnig gestur þáttarins en ljóst er að ferðaþjónustan er ein af þeim atvinnugreinum sem munu taka hvað mestan skell í þessu óvenjulega árferði sem kórónuveiruheimsfaraldurinn hefur haft í för með sér.

Víglínan hefst klukkan 17:40 og er í opinni dagskrá á Stöð 2 og hér á Vísi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.