Sundlaugaverðir í rimmu við rígfullorðna pottverja Jakob Bjarnar skrifar 18. mars 2020 11:27 Eftir að hafa staðið í rifrildi við heimaríka pottverja greip sundlaugarvörðurinn til þess úrræðis að loka hreinlega pottinum sem styrinn stóð um. visir/rakel Íslendingar virðast eiga afar erfitt með að virða fjöldatakmarkanir. Það er ef marka má bráðskemmtilega frásögn Tótlu S. Sæmundsdóttur fræðslustýru Samtakanna ´78 sem sagði vinum sínum á Facebook af sundlaugaferð sinni og tveggja ára dóttur sinnar í Laugardalslaug. Fátt í sundi á tímum kórónuveiru og dásamlegt að svamla um í fámenninu en ýmsir heimavanir áttu erfitt með að fóta sig við nýjar aðstæður. Eitt þeirra atriða sem Tótla nefnir er eftirfarandi: „Sundlaugarstarfsmenn þurftu stöðugt að vera að rífast við fólk sem neitaði að hlýða reglum um hversu margir mættu vera í heitu pottunum. Á einum tímapunkti gafst ungur starfsmaður upp á að skammast í rígfullorðnu fólki, rak alla upp úr og lokaði pottunum.“ Sundlaugagestir ekki vel með á nótunum Vísir ræddi við nokkra starfsmenn sundlauganna sem sögðust kannast við slík atvik, þau væru mörg óvænt viðfangsefnin en vildu benda á þann sem er í forsvari fyrir laugarnar: Steinþór Einarsson skrifstofustjóra hjá ÍTR. Hann var hress og byrjaði á að punda á blaðamanninn: „Svo virðist vera að mikið af Íslendingum hafi ekki séð fréttir síðustu vikurnar, vita ekki af því að það er einhver veira. Þið fréttamenn eruð eitthvað að misskilja þetta. Það virðist enginn vera að hlusta á þessar fréttir hjá ykkur. Greinilega.“ Steinþór Einarsson hjá ÍTR segir heilt yfir hafa gengið vel með sundlaugarnar í gær, en vissulega komu upp atvik og svo virðist sem margur sundlaugargesturinn hafi ekki talið að reglurnar ættu sérstaklega við um sig sjálfan. Steinþór segist hafa tekið út stöðuna nú í morgun að heilt yfir hafi gengið vel eftir að nýjar reglur í ljósi útbreiðslu kórónuveirunnar tóku gildi. Og álagið sé nú minna eftir að skólasund og æfingar sundfélaga voru lagðar af. „En svo lendum við í því með þessar fjöldatakmarkanir að það er uppselt frá klukkan þrjú í Laugardalslaugina.“ Það er sem sagt talið inn á sundstaðina en með pottana var talið að það væri hægt að horfa til skynsemi viðskiptavina að þeir væru ekki að troðast hver um annan þveran. „En sumir virða hvorki eitt eða neitt, virðast bara ekki hafa fylgst með og fer að rífast ef þetta er ekki eftir þeirra höfði. Og ef fólki er ekki treystandi þá verður einfaldlega að loka ákveðnum svæðum.“ Reglur eru góðar fyrir alla hina Steinþór segir sundlaugagesti almennt ekkert mikið fyrir að virða tilmæli um fjarlægð við næsta mann. „Svo fór sólin að skína og þá fóru fólk nú bara í sólbað undir húsvegg og flatmagaði þar nokkuð þétt. Við höfum ekki mannskap í að segja fullorðnu fólki til og að brýna fyrir því að það þurfi að halda tiltekinni fjarlægð milli manna. Svo við þurftum við að nota kallkerfið til að árétta þetta. Svo var fólk að gera ýmsar athugasemdir svo sem þær að búið væri taka hárþurrkur úr umferð: Hvað á bara að nota handklæði til að þurrka á sér hárið?“ Steinþór segir það nánast viðtekið að fólk sé mjög áfram um að aðrir eigi að fara eftir tilmælum en það eigi ekkert endilega við um hvern og einn. Menn taka ekki reglur til sín hvað það varðar. Hann endurtekur þó að heilt yfir hafi þetta gengið ágætlega. Laugardalslaugarnar úr lofti. Sumir virða hvorki eitt eða neitt, virðast bara ekki hafa fylgst með og fer að rífast ef þetta er ekki eftir þeirra höfði.visir/vilhelm „Við erum að reyna að hafa opið. Og það er svona. Margir sem kvörtuðu undan því að gufuböðin væru lokuð, sumir reyndu að kveikja á þeim sjálfir, ekki allir sem láta segjast. Er Spánverjinn ekki með 2000 evru sekt ef þú sést án þess að vera að fara í apótek?“ Hvað hver sundlaugargestur athugi Steinþór segir að þau hjá borginni hafi tekið sig saman um opnanir í sundlaugunum, þau vilji gjarnan hafa opið og vona enn að menn séu samstiga. Og virði reglur. Hversu lengi verður unnt að hafa sundstaðina opna er hins vegar erfitt að segja til um. Ef starfsfólk fer að detta í veikindi eða sóttkví gæti reynst erfitt að manna vaktir. En, hinar almennur reglur eru: Sundlaugar borgarinnar verða áfram opnar þrátt fyrir samkomubann. Opnunin verður þó háð nokkrum skilyrðum til að tryggja öryggi bæði gesta og starfsfólks. Gestir eru beðnir um að virða þau tilmæli að hafa 2 metra á milli sín á öllum svæðum laugarinnar bæði út og inni. Þetta mun þýða að færri komast að og í sumum pottum getur einungis einn gestur verið í einu. Starfsmenn munu þrífa/sótthreinsa helstu snertifleti og salerni mun oftar til að fyrirbyggja smit eins og hægt er. Til að fækka flötum þar sem smithætta er mikil eru þeytivindur og hárblásarar ekki í notkun. Rennibrautir, eimböð og saunaböð verða lokuð ásamt útiklefum í einhverjum laugum. Til að takmarka allt áreiti við starfsmenn sundlaugarinnar er lokað fyrir alla veitingasölu, þar með talið sölu á ís, gosdrykkjum, kaffi og öðrum matvælum. Sundlaugar Reykjavík Faraldur kórónuveiru (COVID-19) Samkomubann á Íslandi Mest lesið Reiður Trump segir Schumer að fara til helvítis Erlent „Allt uppselt“ af símum eftir rigninguna Innlent Segir „erfiðara“ að náða Diddy eftir „hræðilegar yfirlýsingar“ Erlent „Við erum auðvitað mjög slegin yfir þessu slysi“ Innlent Rússneskt eldfjall gýs í fyrsta sinn í sex hundruð ár Erlent Níu ára stúlka frá Þýskalandi sem lést Innlent Vestmanneyingar „slógu velferðarskjaldborg“ yfir gesti Innlent Stúlkan sem fór í sjóinn er látin Innlent Fagna afmæli virkjunar sem sökkti sveitajörðum en rafvæddi síldarbæ Innlent Grunaður um að myrða heila fjölskyldu en skilja ungabarnið eftir á lífi Erlent Fleiri fréttir Þorgerður styður stofnun leyniþjónustu Síðustu þrjú banaslys orðið á sama stað við sömu aðstæður „Allt uppselt“ af símum eftir rigninguna Þurfum ekki að loka landamærum en þurfum að opna augun Leggjast yfir hvað megi bæta í Reynisfjöru „Við erum auðvitað mjög slegin yfir þessu slysi“ Fullt af furðubátum keppa á Flúðum í dag Níu ára stúlka frá Þýskalandi sem lést Tilkynnt um þrjár líkamsárásir en flestir gestir „vel búnir, kurteisir og til fyrirmyndar“ Vinnsla stöðvuð í Vatnsfellsvirkjun vegna leka Ekki hlynntur lokun Reynisfjöru og líkamsárásir um helgina Meistaraverkefni sem endaði í The Lancet: „Af hverju ekki að miða hátt?“ Herjólfur siglir í dag Bandaríkin, innflytjendur og Gasa á Sprengisandi Olli slysi undir áhrifum fíkniefna Vestmanneyingar „slógu velferðarskjaldborg“ yfir gesti Búast við gasi á höfuðborgarsvæðinu og Akranesi Landsvirkjun sé ekki „löngu búin að semja“ við alla landeigendur Fagna afmæli virkjunar sem sökkti sveitajörðum en rafvæddi síldarbæ Kvenfólkið í Eyjum bjargaði deginum Skinkur og Sykurpabbar skemmta sér á Egilsstöðum Blússandi stemning á harmonikkuhátíð á Borg Stúlkan sem fór í sjóinn er látin Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Sjá meira
Íslendingar virðast eiga afar erfitt með að virða fjöldatakmarkanir. Það er ef marka má bráðskemmtilega frásögn Tótlu S. Sæmundsdóttur fræðslustýru Samtakanna ´78 sem sagði vinum sínum á Facebook af sundlaugaferð sinni og tveggja ára dóttur sinnar í Laugardalslaug. Fátt í sundi á tímum kórónuveiru og dásamlegt að svamla um í fámenninu en ýmsir heimavanir áttu erfitt með að fóta sig við nýjar aðstæður. Eitt þeirra atriða sem Tótla nefnir er eftirfarandi: „Sundlaugarstarfsmenn þurftu stöðugt að vera að rífast við fólk sem neitaði að hlýða reglum um hversu margir mættu vera í heitu pottunum. Á einum tímapunkti gafst ungur starfsmaður upp á að skammast í rígfullorðnu fólki, rak alla upp úr og lokaði pottunum.“ Sundlaugagestir ekki vel með á nótunum Vísir ræddi við nokkra starfsmenn sundlauganna sem sögðust kannast við slík atvik, þau væru mörg óvænt viðfangsefnin en vildu benda á þann sem er í forsvari fyrir laugarnar: Steinþór Einarsson skrifstofustjóra hjá ÍTR. Hann var hress og byrjaði á að punda á blaðamanninn: „Svo virðist vera að mikið af Íslendingum hafi ekki séð fréttir síðustu vikurnar, vita ekki af því að það er einhver veira. Þið fréttamenn eruð eitthvað að misskilja þetta. Það virðist enginn vera að hlusta á þessar fréttir hjá ykkur. Greinilega.“ Steinþór Einarsson hjá ÍTR segir heilt yfir hafa gengið vel með sundlaugarnar í gær, en vissulega komu upp atvik og svo virðist sem margur sundlaugargesturinn hafi ekki talið að reglurnar ættu sérstaklega við um sig sjálfan. Steinþór segist hafa tekið út stöðuna nú í morgun að heilt yfir hafi gengið vel eftir að nýjar reglur í ljósi útbreiðslu kórónuveirunnar tóku gildi. Og álagið sé nú minna eftir að skólasund og æfingar sundfélaga voru lagðar af. „En svo lendum við í því með þessar fjöldatakmarkanir að það er uppselt frá klukkan þrjú í Laugardalslaugina.“ Það er sem sagt talið inn á sundstaðina en með pottana var talið að það væri hægt að horfa til skynsemi viðskiptavina að þeir væru ekki að troðast hver um annan þveran. „En sumir virða hvorki eitt eða neitt, virðast bara ekki hafa fylgst með og fer að rífast ef þetta er ekki eftir þeirra höfði. Og ef fólki er ekki treystandi þá verður einfaldlega að loka ákveðnum svæðum.“ Reglur eru góðar fyrir alla hina Steinþór segir sundlaugagesti almennt ekkert mikið fyrir að virða tilmæli um fjarlægð við næsta mann. „Svo fór sólin að skína og þá fóru fólk nú bara í sólbað undir húsvegg og flatmagaði þar nokkuð þétt. Við höfum ekki mannskap í að segja fullorðnu fólki til og að brýna fyrir því að það þurfi að halda tiltekinni fjarlægð milli manna. Svo við þurftum við að nota kallkerfið til að árétta þetta. Svo var fólk að gera ýmsar athugasemdir svo sem þær að búið væri taka hárþurrkur úr umferð: Hvað á bara að nota handklæði til að þurrka á sér hárið?“ Steinþór segir það nánast viðtekið að fólk sé mjög áfram um að aðrir eigi að fara eftir tilmælum en það eigi ekkert endilega við um hvern og einn. Menn taka ekki reglur til sín hvað það varðar. Hann endurtekur þó að heilt yfir hafi þetta gengið ágætlega. Laugardalslaugarnar úr lofti. Sumir virða hvorki eitt eða neitt, virðast bara ekki hafa fylgst með og fer að rífast ef þetta er ekki eftir þeirra höfði.visir/vilhelm „Við erum að reyna að hafa opið. Og það er svona. Margir sem kvörtuðu undan því að gufuböðin væru lokuð, sumir reyndu að kveikja á þeim sjálfir, ekki allir sem láta segjast. Er Spánverjinn ekki með 2000 evru sekt ef þú sést án þess að vera að fara í apótek?“ Hvað hver sundlaugargestur athugi Steinþór segir að þau hjá borginni hafi tekið sig saman um opnanir í sundlaugunum, þau vilji gjarnan hafa opið og vona enn að menn séu samstiga. Og virði reglur. Hversu lengi verður unnt að hafa sundstaðina opna er hins vegar erfitt að segja til um. Ef starfsfólk fer að detta í veikindi eða sóttkví gæti reynst erfitt að manna vaktir. En, hinar almennur reglur eru: Sundlaugar borgarinnar verða áfram opnar þrátt fyrir samkomubann. Opnunin verður þó háð nokkrum skilyrðum til að tryggja öryggi bæði gesta og starfsfólks. Gestir eru beðnir um að virða þau tilmæli að hafa 2 metra á milli sín á öllum svæðum laugarinnar bæði út og inni. Þetta mun þýða að færri komast að og í sumum pottum getur einungis einn gestur verið í einu. Starfsmenn munu þrífa/sótthreinsa helstu snertifleti og salerni mun oftar til að fyrirbyggja smit eins og hægt er. Til að fækka flötum þar sem smithætta er mikil eru þeytivindur og hárblásarar ekki í notkun. Rennibrautir, eimböð og saunaböð verða lokuð ásamt útiklefum í einhverjum laugum. Til að takmarka allt áreiti við starfsmenn sundlaugarinnar er lokað fyrir alla veitingasölu, þar með talið sölu á ís, gosdrykkjum, kaffi og öðrum matvælum.
Sundlaugar Reykjavík Faraldur kórónuveiru (COVID-19) Samkomubann á Íslandi Mest lesið Reiður Trump segir Schumer að fara til helvítis Erlent „Allt uppselt“ af símum eftir rigninguna Innlent Segir „erfiðara“ að náða Diddy eftir „hræðilegar yfirlýsingar“ Erlent „Við erum auðvitað mjög slegin yfir þessu slysi“ Innlent Rússneskt eldfjall gýs í fyrsta sinn í sex hundruð ár Erlent Níu ára stúlka frá Þýskalandi sem lést Innlent Vestmanneyingar „slógu velferðarskjaldborg“ yfir gesti Innlent Stúlkan sem fór í sjóinn er látin Innlent Fagna afmæli virkjunar sem sökkti sveitajörðum en rafvæddi síldarbæ Innlent Grunaður um að myrða heila fjölskyldu en skilja ungabarnið eftir á lífi Erlent Fleiri fréttir Þorgerður styður stofnun leyniþjónustu Síðustu þrjú banaslys orðið á sama stað við sömu aðstæður „Allt uppselt“ af símum eftir rigninguna Þurfum ekki að loka landamærum en þurfum að opna augun Leggjast yfir hvað megi bæta í Reynisfjöru „Við erum auðvitað mjög slegin yfir þessu slysi“ Fullt af furðubátum keppa á Flúðum í dag Níu ára stúlka frá Þýskalandi sem lést Tilkynnt um þrjár líkamsárásir en flestir gestir „vel búnir, kurteisir og til fyrirmyndar“ Vinnsla stöðvuð í Vatnsfellsvirkjun vegna leka Ekki hlynntur lokun Reynisfjöru og líkamsárásir um helgina Meistaraverkefni sem endaði í The Lancet: „Af hverju ekki að miða hátt?“ Herjólfur siglir í dag Bandaríkin, innflytjendur og Gasa á Sprengisandi Olli slysi undir áhrifum fíkniefna Vestmanneyingar „slógu velferðarskjaldborg“ yfir gesti Búast við gasi á höfuðborgarsvæðinu og Akranesi Landsvirkjun sé ekki „löngu búin að semja“ við alla landeigendur Fagna afmæli virkjunar sem sökkti sveitajörðum en rafvæddi síldarbæ Kvenfólkið í Eyjum bjargaði deginum Skinkur og Sykurpabbar skemmta sér á Egilsstöðum Blússandi stemning á harmonikkuhátíð á Borg Stúlkan sem fór í sjóinn er látin Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Sjá meira