Innlent

Um tuttugu til­kynningar um foktjón

Sylvía Hall skrifar
Björgunarsveitir hafa verið kallaðar út.
Björgunarsveitir hafa verið kallaðar út. Vísir/Vilhelm

Björgunarsveitir hafa verið kallaðar út í morgun vegna veðurs í Vestmannaeyjum og Suðurnesjabæ. Gul veðurviðvörun er í gildi og hefur vindur mælst hátt í fjörutíu metrar á sekúndu.

Björgunarfólk úr Garði og Sandgerði er að reyna að koma böndum á þak sem er við það að fjúka en slíkar tilkynningar hafa einnig borist frá Vestmannaeyjum. Þar hafa um tuttugu tilkynningar um foktjón borist þar sem helstu verkefni eru lausar þakklæðningar og fok á lausamunum.

Bátur losnaði frá bryggju í Vestmannaeyjum um klukkan níu í morgun og eru björgunarsveitir að störfum.

Þá er fólk varað við því að fara varlega á Suðurlandi vegna veðurs, en undir Eyjafjöllum verða snarpar og skeinuhættar hviður fram undir kvöld. 

Björgunarsveitir Vestmannaeyjar Suðurnesjabær
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið