Nýja afbrigðið skotið upp kollinum á fleiri stöðum

Sylvía Hall skrifar 26. desember 2020 13:48

Öll tilfellin á Spáni má rekja til ferðalaga frá Bretlandi. Getty/Paul Hanna

Fjögur tilfelli af nýju afbrigði kórónuveirunnar hafa fundist á Spáni, sama dag og það var tilkynnt að það hefði einnig verið greint í Frakklandi. Afbrigðið, sem er betur þekkt sem breska afbrigðið, er mun meira smitandi en önnur.

Afbrigðið hefur verið í mikilli dreifingu í Bretlandi, enda talið um sjötíu prósent meira smitandi þó það sé ekki talið hættulegra eða leiða til þess að fólk veikist meir en ella. Áður hafði verið staðfest að það hefði fundist í Danmörku og Hollandi, en öll tilfellin má rekja til ferðalaga frá Bretlandi.

Þá hefur afbrigðið tvisvar greinst á landamærunum hér á landi.

Öll fjögur sem hafa greinst með afbrigðið á Spáni hafa þannig einhver tengsl við ferðalanga. Samkvæmt frétt breska ríkisútvarpsins eru þrír ættingjar manns sem kom frá Bretlandi smitaðir af afbrigðinu og annar maður sem kom nýlega þaðan.

Ekkert þeirra er sagt alvarlega veikt og engin ástæða til að óttast að mati yfirvalda. Grunur er um þrjú önnur tilfelli til viðbótar þó niðurstöður muni ekki liggja fyrir fyrr en á þriðjudag eða miðvikudag.

Frakkland Danmörk Holland Spánn Bretland Faraldur kórónuveiru (COVID-19)

Tengdar fréttir

Hertar aðgerðir taka gildi í Bretlandi

Milljónir Breta búa nú við strangari sóttvarnaaðgerðir eftir að hertar aðgerðir tóku gildi í landinu á miðnætti. Greint var frá 570 dauðsföllum í landinu í gær, en smitum hefur farið fjölgandi undanfarnar vikur.

26. desember 2020 11:31

Nýja afbrigðið greindist í Frakklandi

Nýja afbrigði kórónuveirunnar sem hefur náð að dreifa sér víða á Bretlandseyjum hefur greinst í Frakklandi. Þetta staðfesti franska heilbrigðisráðuneytið, en sá sem greindist er franskur ríkisborgari sem hafði komið frá Lundúnaborg þann 19. desember.

26. desember 2020 08:33

Þurfa í sýnatöku fyrir brottför til Bandaríkjanna

Allir farþegar frá Bretlandi þurfa að framvísa neikvæðri niðurstöðu úr sýnatöku til þess að geta ferðast til Bandaríkjanna. Er þetta gert vegna ótta við nýtt afbrigði kórónuveirunnar sem hefur fundist í Bretlandi að undanförnu, en það er talið mun meira smitandi en önnur.

25. desember 2020 09:47

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.