Erlent

Fyrst í bólu­setningu til að halda sér í fram­línunni

Sylvía Hall skrifar
Hjúkrunarfræðingurinn María Ramirez var sú fyrsta í Mexíkó til að vera bólusett.
Hjúkrunarfræðingurinn María Ramirez var sú fyrsta í Mexíkó til að vera bólusett. AP/Eduardo Verdugo

Gjörgæsluhjúkrunarfræðingurinn María Irene Ramirez var fyrsta manneskjan í Rómönsku-Ameríku til að fá bólusetningu gegn kórónuveirunni. Bólusetningar eru farnar af stað í Mexíkó, Chile og Kosta Ríka og stefnt er að því bólusetja fyrstu einstaklinga í Argentínu á næstu dögum.

Fyrstu þrjú þúsund skammtarnir frá Pfizer komu til Mexíkó í vikunni, en landið hefur farið illa út úr kórónuveirufaraldrinum. Rúmlega 120 þúsund hafa látist en aðeins Bandaríkin, Brasilía og Indland eru með fleiri skrásett dauðsföll af völdum veirunnar.

Heilbrigðisstarfsmenn biðu í röð eftir bólusetningu í gær.AP/Eduardo Verdugo

Ramirez, sú sem var fyrst til að fá bólusetninguna, sagði nauðsynlegt að láta bólusetja sig svo hún gæti áfram sinnt störfum sínum. „Við erum hrædd, en við verðum að halda áfram og ég vil halda áfram að vera í framlínunni,“ sagði hún í samtali við El Universal.

Ólíkt Mexíkó hefur Argentína ákveðið að notast við rússneska bóluefnið Sputnik V í fyrstu bólusetningum samkvæmt frétt breska ríkisútvarpsins.

Þrátt fyrir að hafa farið verst út úr faraldrinum í Suður-Ameríku munu bólusetningar ekki hefjast í Brasilíu fyrr en um miðjan febrúar. 

Smitum hefur farið fjölgandi í landinu að undanförnu en hátt í 200 þúsund hafa látist frá því að faraldurinn hófst. Forsetinn Jair Bolsonaro hyggst ekki láta bólusetja sig þar sem hann telur sig ónæman eftir að hafa smitast fyrr á árinu.

Faraldur kórónuveiru (COVID-19) Mexíkó
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið