Erlent

Fyrstu smitin í álfunni frá upp­hafi far­aldursins

Atli Ísleifsson skrifar
Umferð til Suðurskautslandsins hefur verið takmörkuð frá upphafi faraldursins.
Umferð til Suðurskautslandsins hefur verið takmörkuð frá upphafi faraldursins. Getty

Suðurskautslandið getur ekki lengur státað af því að vera eina heimsálfan sem hefur verið laus við kórónuveiruna. 36 menn frá Chile, sem staðsettir eru á Suðurskautslandinu, greindust með kórónuveiruna í gær.

Smitin komu upp á rannsóknar- og herstöðinni Bernardo O'Higgins Riquelme, ein þeirra þrettán stöðva sem að Chile-menn reka í álfunni.

Í frétt ABC segir að umferð fólks til Suðurskautslandsins hafi verið takmörkuð í heimsfaraldrinum. 

Þannig sendu Ástralir um 250 vísindamenn til stöðvanna Davis, Mawson og Casey og til Macquarieeyjar, en það er einungis um helmingur af því sem hefur verið síðustu ár. 

Voru Ástralirnir í einangun í tvær vikur í borginni Hobart og sendir þrívegis í sýnatöku áður en þeir fengu heimild til að halda til Suðurskautslandsins.

Faraldur kórónuveiru (COVID-19) Suðurskautslandið Chile
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið