Erlent

Reyna að ná samningi yfir kvöld­verði í Brussel

Gunnar Reynir Valþórsson skrifar
Johnson og von der Leyen hittust á fundi í Downing-stræti 10 í upphafi árs.
Johnson og von der Leyen hittust á fundi í Downing-stræti 10 í upphafi árs. Getty/Peter Summers

Boris Johnson forsætisráðherra Breta mun síðar í dag fljúga til Brussel í Belgíu til fundar við Ursulu von der Leyen forseta framvkæmdastjórnar Evrópusambandsins.

Tíminn er að renna út fyrir Johnson en þann 31. desember renna allir viðskiptasamningar Breta við Evrópusambandið út í kjölfar Brexit-ákvörðunar þeirra.

Illa hefur gengið að ná saman um nýjan viðskiptasamning og samninganefndir deiluaðila hafa ekki enn komist að samkomulagi.

Þau Johnson og von der Leyen ætla því að hittast undir fjögur augu yfir kvöldverði og reyna að koma málum á skrið, að því er breska ríkisútvarpið greinir frá.

Enn er hart tekist á um fiskveiðar, samkeppnisreglur og hvernig eftirliti yrði háttað með nýjum samgningi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×