Innlent

Þrír greindust með veiruna innanlands

Sunna Kristín Hilmarsdóttir skrifar
Innanlandssmitum hefur farið fækkandi undanfarið.
Innanlandssmitum hefur farið fækkandi undanfarið. Vísir/Vilhelm

Þrír greindust með kórónuveiruna innanlands í gær. Þetta kemur fram í uppfærðum tölum á vefnum covid.is. Tveir voru í sóttkví við greiningu og einn utan sóttkvíar.

Hafa ber í huga að mjög fá sýni voru tekin í gær. 259 einkennasýni voru tekin og ellefu sýni við sóttkvíar- og handahófsskimun.

Nýgengi innanlandssmita heldur áfram að fara niður og er nú 40,1 en var 43,6 í gær.

198 eru nú í einangrun með Covid-19 og fækkar þeim um sjö frá því í gær en þeim fjölgar sem eru í sóttkví; eru nú 220 en voru 205 í gær.

Tíu greindust á landamærunum með virkt smit í gær og einn mældist með mótefni. Nýgengi landamærasmita fer því upp; það var 10,9 í gær en er í dag 11,5.

45 liggja á sjúkrahúsi vegna Covid-19 og þar af eru tveir á gjörgæslu. Tíu þeirra 45 sem eru inniliggjandi eru með virkt smit að sögn Más Kristjánssonar, yfirlæknis á smitsjúkdómadeild spítalans.

Alls hafa nú 5.289 einstaklingar greinst með kórónuveiruna hér á landi síðan faraldurinn hófst í lok febrúar. 26 manns hafa látist vegna Covid-19.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.