Handbolti

Kristján markahæstur í naumum sigri

Arnar Geir Halldórsson skrifar
Kristján Örn lék með ÍBV áður en hann var seldur til Frakklands.
Kristján Örn lék með ÍBV áður en hann var seldur til Frakklands. vísir/bára

Handknattleiksmaðurinn Kristján Örn Kristjánsson átti góðan leik þegar lið hans PAUC AIX vann sigur með minnsta mun á Cesson-Rennes í frönsku úrvalsdeildinni í handbolta í dag.

Leiknum lauk með eins marks sigri PAUC, 23-24 í hörkuleik.

Kristján Örn var markahæstur sinna manna með fjögur mörk úr sex skotum en Nicolas Claire var sömuleiðis með fjögur mörk. 

PAUC AIX í sjöunda sæti deildarinnar en 16 lið leika í frönsku úrvalsdeildinni.

Í Þýskalandi var Bjarki Már Elísson næstmarkahæstur í liði Lemgo sem gerði jafntefli við Leipzig, 32-32.

Bjarki Már gerði fimm mörk úr sex skotum en Spánverjinn Guardiola var markahæstur í liði Lemgo með sex mörk.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.