Sýknaður af nauðgun eftir tveggja ára dóm í héraði Kolbeinn Tumi Daðason skrifar 20. nóvember 2020 17:50 Karlmaðurinn fékk tveggja ára dóm fyrir einu og hálfu ári en var sýknaður í dag. Vísir/Hanna Landsréttur hefur sýknað karlmann á þrítugsaldri af ákæru fyrir nauðgun með því að hafa samræði við unga konu sem gat ekki spornað við verknaðinum sökum ölvunarástands og svefndrunga. 23 ára karlmaður fékk tveggja ára dóm í Héraðsdómi Reykjavíkur fyrir einu og hálfu ári. Landsréttur taldi ákæruvaldið ekki hafa náð að sanna að hafið væri yfir skynsamlegan vafa að karlmaðurinn hefði nauðgað konunni. Dómur var kveðinn upp í dag. Kærði brotið einu og hálfu ár síðar Atburðurinn átti sér stað í janúar 2016 eftir að karlmaðurinn, fæddur 1996 og þá tvítugur, og konan sem var þá á menntaskólaldri fóru heim saman eftir að hafa verið á skemmtistaðnum Hendrix. Konan kærði manninn einu og hálfu ári síðar. Vitnum bar saman að unga konan hefði verið orðin mjög ölvuð við lokun staðarins. Karlmaðurinn var akandi og skutlaði fólki heim áður en þau fóru heim til hans. Karlmaðurinn neitaði sök en sagði þau hafa haft samræði og munnmök sömuleiðis. Unga konan hafi verið vel áttuð og hann ítrekað spurt hana hvort hún vildi hafa samræði. Spjallað á Facebook Konan sendi karlinum skilaboð á Facebook og átti í framhaldinu í samskiptum við hann þar ásamt þriðja aðila. Skilaboð karlsins til konunnar á á Facebook sem mætti túlka sem endurtekna afsökunarbeiðni. Þar sagðist hann meðal annars vilja geta tekið atburðinn til baka. Skilaboðin vógu þungt í niðurstöðu héraðsdóms. Karlinn skýrði skilaboð sín á Facebook til konunnar og vitnisins á þann hátt að hann hefði verið að biðjast fyrirgefningar á því að konunni hefði liðið illa og að hún hefði upplifað atvik á þann hátt sem hún gerði. Unga konan lýsti atvikum á þann veg að hún hafi verið mjög ölvuð umrædda nótt og dottið út. Hún myndi slitrótt eftir atvikum. Þannig myndi hún eftir því að hafa farið út af skemmtistaðnum og inn í bifreiðina til ákærða. Hún myndi eftir sér í miðbænum og síðan ekki fyrr en heima hjá ákærða þar sem hún hafi setið í anddyrinu. Lýstu konunni verulega ölvaðri Síðan myndi konan eftir sér þar sem ákærði hefði legið ofan á henni inni í rúmi og verið að hafa við hana samræði. Hún hafi dottið aftur út og vaknað síðan um morguninn. Hún hafi ekki gefið ákærða samþykki fyrir kynferðismökunum. Fyrir héraðsdóm komu vitni sem lýstu ölvunarástandi konunnar umrætt kvöld og umrædda nótt. Eitt vitni lýsti ástandi hennar þannig að hún hefði verið mjög ölvuð inni á staðnum og við það að detta út. Hafi vitnið stutt hana út af staðnum. Tveir karlmenn til viðbótar voru samferða þeim í bílnum um nóttina. Þeir lýstu því að þeir hefðu verið töluvert ölvaðir sjálfir. Konan hafi einnig verið verulega ölvuð. Hjá lögreglu lýsti eitt vitnið því að konan hefði verið við það að deyja ölvunarsvefni og verið nærri því að kasta upp í bílferðinni um nóttina. Vitnið staðfesti þessa lýsingu rétta fyrir dóminum. Héraðsdómur taldi hafið yfir vafa að um nauðgun væri að ræða Héraðsdómur leit til skilaboða mannsins, vitnisburðar um ölvunarástand konunnar og framburðar hennar sem hafi verið trúverðugur. „Verða yfirlýsingar hans þar ekki skýrðar á annan hátt en þann að hann sé að biðjast afsökunar á því að hafa haft samræði við brotaþola þótt hún hefði verið svo ölvuð að hún hefði ekki getað spornað við samræðinu. Aðrar skýringar ákærða á þessum samskiptum eru ótrúverðugar að mati dómsins. Þá er framburður ákærða um ölvunarástand brotaþola einnig ótrúverðugur í ljósi framburða brotaþola og hinna tilgreindu vitna sem hér að framan er vísað til,“ sagði í niðurstöðu héraðsdóms. Dómurinn taldi hafið yfir skynsamlegan vafa að karlmaðurinn hefði nauðgað konunni. Var hann dæmdur til að greiða konunni 1,6 milljónir króna í miskabætur enda hefði unga konan orðið fyrir mikilli vanlíðan í kjölfar atburðanna og meðal annars flosnað upp úr menntaskólanámi. Engin mæling á ölvunarástandi Landsréttur benti á að ekki hefði farið fram nein mæling á áfengi í blóði og þvagi ungu konunnar. Að virtum framburði ákærða, konunnar og þriggja vitna var ekki talið sannað að konan hefði sökum ölvunar verið í ástandi sem gerði hana ófæra um að sporna við gjörðum annarra. Þá bæru fyrirliggjandi gögn með sér að unga konan hefði í fyrstu ekki upplifað háttsemi karlsins sem nauðgun. Loks voru yfirlýsingar ákærða í samskiptum við ungu konuna og vinkonu hennar ekki taldar fela í sér játningu sem leitt gæti til sakfellingar samkvæmt ákæru. Að öllu þessu virtu var ekki talið að ákæruvaldinu hefði gegn eindreginni neitun ákærða tekist að sanna svo að hafið væri yfir skynsamlegan vafa að hann hefði gerst sekur um þá háttsemi sem honum var gefin að sök. Var hann því sýknaður og miskabótakröfu vísað frá dómi. Dómsmál Kynferðisofbeldi Mest lesið Þingmaður úðaði eyrnameðali fyrir hunda í kokið á sér Innlent Sérsveit handtók vopnaðan mann Innlent Umfangsmestu loftárásir frá upphafi stríðs Erlent Kveður Glerártorg eftir sautján ár Innlent Þorbjörg segir Úlfar hengja bakara fyrir smið Innlent Sósíalistar tortími mögulega sjálfum sér Innlent Tóku á móti tveimur börnum á innan við klukkustund Innlent Úr Kvennaskólanum í píparann Innlent Elsti hestur landsins er 36 vetra með tennur og hófa í fínu standi Innlent Steinn reistur við með eins konar blöðrum Innlent Fleiri fréttir Stefnt að nýjum og glæsilegum miðbæ í Grundarfirði Kviknaði í bíl á miðjum vegi Framtíð vararíkissaksóknara ræðst á allra næstu dögum Þorbjörg segir Úlfar hengja bakara fyrir smið Sósíalistar tortími mögulega sjálfum sér Dómsmálaráðherra tjáir sig um ummæli Úlfars Úr Kvennaskólanum í píparann Afsögn Úlfars og afstaða Íslands til ástandsins á Gasa Sérsveit handtók vopnaðan mann Tóku á móti tveimur börnum á innan við klukkustund Steinn reistur við með eins konar blöðrum Elsti hestur landsins er 36 vetra með tennur og hófa í fínu standi Vannærð börn svelti eða verði læknanlegum sjúkdómum að bráð „Þú hakkar ekki á tóman maga“ Kveður Glerártorg eftir sautján ár Þingmaður úðaði eyrnameðali fyrir hunda í kokið á sér „Hafa ekki lyft litla fingri í máli Oscars“ Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Sjá meira
Landsréttur hefur sýknað karlmann á þrítugsaldri af ákæru fyrir nauðgun með því að hafa samræði við unga konu sem gat ekki spornað við verknaðinum sökum ölvunarástands og svefndrunga. 23 ára karlmaður fékk tveggja ára dóm í Héraðsdómi Reykjavíkur fyrir einu og hálfu ári. Landsréttur taldi ákæruvaldið ekki hafa náð að sanna að hafið væri yfir skynsamlegan vafa að karlmaðurinn hefði nauðgað konunni. Dómur var kveðinn upp í dag. Kærði brotið einu og hálfu ár síðar Atburðurinn átti sér stað í janúar 2016 eftir að karlmaðurinn, fæddur 1996 og þá tvítugur, og konan sem var þá á menntaskólaldri fóru heim saman eftir að hafa verið á skemmtistaðnum Hendrix. Konan kærði manninn einu og hálfu ári síðar. Vitnum bar saman að unga konan hefði verið orðin mjög ölvuð við lokun staðarins. Karlmaðurinn var akandi og skutlaði fólki heim áður en þau fóru heim til hans. Karlmaðurinn neitaði sök en sagði þau hafa haft samræði og munnmök sömuleiðis. Unga konan hafi verið vel áttuð og hann ítrekað spurt hana hvort hún vildi hafa samræði. Spjallað á Facebook Konan sendi karlinum skilaboð á Facebook og átti í framhaldinu í samskiptum við hann þar ásamt þriðja aðila. Skilaboð karlsins til konunnar á á Facebook sem mætti túlka sem endurtekna afsökunarbeiðni. Þar sagðist hann meðal annars vilja geta tekið atburðinn til baka. Skilaboðin vógu þungt í niðurstöðu héraðsdóms. Karlinn skýrði skilaboð sín á Facebook til konunnar og vitnisins á þann hátt að hann hefði verið að biðjast fyrirgefningar á því að konunni hefði liðið illa og að hún hefði upplifað atvik á þann hátt sem hún gerði. Unga konan lýsti atvikum á þann veg að hún hafi verið mjög ölvuð umrædda nótt og dottið út. Hún myndi slitrótt eftir atvikum. Þannig myndi hún eftir því að hafa farið út af skemmtistaðnum og inn í bifreiðina til ákærða. Hún myndi eftir sér í miðbænum og síðan ekki fyrr en heima hjá ákærða þar sem hún hafi setið í anddyrinu. Lýstu konunni verulega ölvaðri Síðan myndi konan eftir sér þar sem ákærði hefði legið ofan á henni inni í rúmi og verið að hafa við hana samræði. Hún hafi dottið aftur út og vaknað síðan um morguninn. Hún hafi ekki gefið ákærða samþykki fyrir kynferðismökunum. Fyrir héraðsdóm komu vitni sem lýstu ölvunarástandi konunnar umrætt kvöld og umrædda nótt. Eitt vitni lýsti ástandi hennar þannig að hún hefði verið mjög ölvuð inni á staðnum og við það að detta út. Hafi vitnið stutt hana út af staðnum. Tveir karlmenn til viðbótar voru samferða þeim í bílnum um nóttina. Þeir lýstu því að þeir hefðu verið töluvert ölvaðir sjálfir. Konan hafi einnig verið verulega ölvuð. Hjá lögreglu lýsti eitt vitnið því að konan hefði verið við það að deyja ölvunarsvefni og verið nærri því að kasta upp í bílferðinni um nóttina. Vitnið staðfesti þessa lýsingu rétta fyrir dóminum. Héraðsdómur taldi hafið yfir vafa að um nauðgun væri að ræða Héraðsdómur leit til skilaboða mannsins, vitnisburðar um ölvunarástand konunnar og framburðar hennar sem hafi verið trúverðugur. „Verða yfirlýsingar hans þar ekki skýrðar á annan hátt en þann að hann sé að biðjast afsökunar á því að hafa haft samræði við brotaþola þótt hún hefði verið svo ölvuð að hún hefði ekki getað spornað við samræðinu. Aðrar skýringar ákærða á þessum samskiptum eru ótrúverðugar að mati dómsins. Þá er framburður ákærða um ölvunarástand brotaþola einnig ótrúverðugur í ljósi framburða brotaþola og hinna tilgreindu vitna sem hér að framan er vísað til,“ sagði í niðurstöðu héraðsdóms. Dómurinn taldi hafið yfir skynsamlegan vafa að karlmaðurinn hefði nauðgað konunni. Var hann dæmdur til að greiða konunni 1,6 milljónir króna í miskabætur enda hefði unga konan orðið fyrir mikilli vanlíðan í kjölfar atburðanna og meðal annars flosnað upp úr menntaskólanámi. Engin mæling á ölvunarástandi Landsréttur benti á að ekki hefði farið fram nein mæling á áfengi í blóði og þvagi ungu konunnar. Að virtum framburði ákærða, konunnar og þriggja vitna var ekki talið sannað að konan hefði sökum ölvunar verið í ástandi sem gerði hana ófæra um að sporna við gjörðum annarra. Þá bæru fyrirliggjandi gögn með sér að unga konan hefði í fyrstu ekki upplifað háttsemi karlsins sem nauðgun. Loks voru yfirlýsingar ákærða í samskiptum við ungu konuna og vinkonu hennar ekki taldar fela í sér játningu sem leitt gæti til sakfellingar samkvæmt ákæru. Að öllu þessu virtu var ekki talið að ákæruvaldinu hefði gegn eindreginni neitun ákærða tekist að sanna svo að hafið væri yfir skynsamlegan vafa að hann hefði gerst sekur um þá háttsemi sem honum var gefin að sök. Var hann því sýknaður og miskabótakröfu vísað frá dómi.
Dómsmál Kynferðisofbeldi Mest lesið Þingmaður úðaði eyrnameðali fyrir hunda í kokið á sér Innlent Sérsveit handtók vopnaðan mann Innlent Umfangsmestu loftárásir frá upphafi stríðs Erlent Kveður Glerártorg eftir sautján ár Innlent Þorbjörg segir Úlfar hengja bakara fyrir smið Innlent Sósíalistar tortími mögulega sjálfum sér Innlent Tóku á móti tveimur börnum á innan við klukkustund Innlent Úr Kvennaskólanum í píparann Innlent Elsti hestur landsins er 36 vetra með tennur og hófa í fínu standi Innlent Steinn reistur við með eins konar blöðrum Innlent Fleiri fréttir Stefnt að nýjum og glæsilegum miðbæ í Grundarfirði Kviknaði í bíl á miðjum vegi Framtíð vararíkissaksóknara ræðst á allra næstu dögum Þorbjörg segir Úlfar hengja bakara fyrir smið Sósíalistar tortími mögulega sjálfum sér Dómsmálaráðherra tjáir sig um ummæli Úlfars Úr Kvennaskólanum í píparann Afsögn Úlfars og afstaða Íslands til ástandsins á Gasa Sérsveit handtók vopnaðan mann Tóku á móti tveimur börnum á innan við klukkustund Steinn reistur við með eins konar blöðrum Elsti hestur landsins er 36 vetra með tennur og hófa í fínu standi Vannærð börn svelti eða verði læknanlegum sjúkdómum að bráð „Þú hakkar ekki á tóman maga“ Kveður Glerártorg eftir sautján ár Þingmaður úðaði eyrnameðali fyrir hunda í kokið á sér „Hafa ekki lyft litla fingri í máli Oscars“ Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Sjá meira