Hafa lokað á viðskipti með bréf í Norwegian

Atli Ísleifsson skrifar 18. nóvember 2020 14:31

Líkt og á einnig við um önnur flugfélög þá hefur faraldur kórónuveirunnar haft mikil áhrif á starfsemi Norwegian. Getty

Búið er að loka á öll viðskipti með hlutabréf í flugfélaginu Norwegian í norsku kauphöllinni. NRK segir frá því að von sé á tilkynningu frá félaginu.

Hlutabréfin höfðu fallið um 0,3 prósent þegar greint var frá því að viðskipti með bréf í félaginu hafi verið stöðvuð, eftir hádegi í dag.

Virði bréfanna voru 0,47 norskar krónur þegar lokað var á viðskiptin, eftir að hafa lægst farið í 0,44 norskar krónur.

Hópur starfsmanna Norwegian hefur safnast saman fyrir utan norska þinghúsið í Osló í dag og mótmælt því að ekki standi til að veita félaginu frekari ríkisaðstoð.

Líkt og á einnig við um önnur flugfélög þá hefur faraldur kórónuveirunnar haft mikil áhrif á starfsemi Norwegian.

Ekki liggur fyrir um innihald þeirrar tilkynningar frá félaginu sem nú er beðið.

Noregur Fréttir af flugi Faraldur kórónuveiru (COVID-19) Markaðir

Tengdar fréttir

Norwegian fær ekki frekari aðstoð frá norska ríkinu

Norska ríkið hefur hafnað nýjustu umleitunum flugfélagsins um aðstoð.

9. nóvember 2020 08:50

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.