Viðskipti erlent

Ná ekki saman um notkun hraðprófa til að liðka fyrir ferðalögum

Tryggvi Páll Tryggvason skrifar
Lufthansa er á meðal þeirra flugfélaga sem nýtt hafa sér hraðprófin í innanlandsflugi.
Lufthansa er á meðal þeirra flugfélaga sem nýtt hafa sér hraðprófin í innanlandsflugi. Vísir/Gettt

Aðildarríki Evrópusambandsins virðast eiga í erfiðleikum með að koma sér saman um sameiginlegar reglur um notkun hraðprófa til þess að greina kórónuveiruna. Evrópsk flugfélög hafa gert sér vonir um að slíkar reglur geti litið dagsins ljós svo liðka megi fyrir ferðalögum á milli landa í álfunni.

Reuters greinir frá og hefur upplýsingarnar upp úr minnisblaði frá þýskum stjórnvöldum sem fara nú með formennsku í leiðtogaráði ESB. 

Í frétt Reuters segir að evrópsk flugfélög hafi þrýst á stjórvöld víða í álfunni að finna aðrar leiðir en þær að leggja bann við ferðalögum á milli landi. Hafa þau þar litið til svokallaðra hraðprófa sem greina kórónuveiruna á andartaki. Slík próf eru þó ekki jafn áreiðanleg og svokallaðar PCR-skimanir, líkt og þær sem notaðar eru hér á landi þegar smit eru greind.

Þýska flugfélagið Lufthansa og ítalska flugfélagið AirItalia eru sögð vera þau flugfélög sem helst þrýsti á sameiginlegar reglur um hraðpróf en ýmis flugfélög hafa notað þau í innanlandsflugi í Evrópu, þar sem aðeins þeim sem greinast neikvæðir á flugvellinum er hleypt um borð í vélarnar.

Viðmið gefin út á morgun en ríkjum ekki skylt að fara eftir þeim

Í minnisblaðinu sem Reuters hefur undir höndum segir að fjölmörg aðildarríki séi ekki reiðubúin til þess að setja slíkar reglur, sum telji sig þurfa fá betri vitneskju um áreiðanleika slíkra prófa á meðan önnur ríki segja að reglur um prófin séu málefni ríkjanna sjálfra, og ekki sé þörf fyrir að setja sameiginlegar reglur um notkun þeirra.

Framkvæmdastjórn Evrópusambandsins mun á morgun gefa út viðmið um notkun slíkra prófa en aðildarríkjunum ber engin skylda til þess að fara eftir þeim viðmiðun.

Í frétt Reuters segir að þessi þróun sé áfall fyrir evrópsk flugfélög sem höfðu gert sér vonir um að með hraðprófum væri hægt að losna við eina af þeim fjölmörgu hindrunum sem koma í veg fyrir mikla farþegaflutninga á tímum kórónuveirufaraldursins.

Lesa má um hraðpróf á vef Landlæknis.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
3,06
38
904.146
FESTI
2,48
22
406.993
ICEAIR
1,94
425
843.174
HAGA
1,6
26
317.730
EIM
1,38
23
123.798

Mesta lækkun dagsins


Félag
Br.%
Fjöldi
Velta*
SIMINN
-2,74
18
268.764
REITIR
-1,8
16
89.873
REGINN
-0,95
11
20.965
EIK
-0,76
12
57.660
Velkomin á Vísi. Þessi vefur notar vafrakökur. Sjá nánar.