Innlent

25 greindust innan­lands í gær

Atli Ísleifsson skrifar
Áttatíu prósent þeirra sem greindust í gær voru í sóttkví. Myndin er úr safni.
Áttatíu prósent þeirra sem greindust í gær voru í sóttkví. Myndin er úr safni. Vísir/Vilhelm

25 greindust með kórónuveiruna innan­lands í gær. Tuttugu af þeim sem greindust í gær voru í sóttkví, eða 80 prósent. Fimm þeirra sem greindust í gær voru utan sóttkvíar, eða Tuttugu prósent.

Þetta kemur fram í uppfærðum tölum á vefnum covid.is. Alls er 71 nú á sjúkrahúsi vegna Covid-19, þar af þrír á gjörgæslu. Er um sama fjölda að ræða og í gær.

Ekkert smit greindist á landamærum.

762 manns eru nú í einangrun, samanborið við 798 í gær. Þá eru 1.538 í sóttkví í dag, samanborið við 1.851 í gær.

Af þeim 25 sem greindust innanlands í gær greindust átján eftir að tekin voru svokölluð einkennasýni. Sjö greindust í svokallaðri sóttkvíar- og handahófsskimun.

Þriðja bylgjan.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 181,1 en var 183,5 í gær. Þá er nýgengi landamærasmita nú 18,8, en var 21,8 í gær.

Nú hafa 5.017 manns greinst smitaðir af kórónuveiru frá upphafi faraldursins. Á síðunni segir ennfremur að af þeim veikst hafa af Covid-19 eru sautján nú látnir.

Alls voru tekin 1.172 einkennasýni hjá sýkla- og veirufræðideild Landspítalans og Íslenskri erfðagreiningu í gær og 465 sýni á landamærunum eða í seinni landamæraskimun. Þá voru 451 sýni tekin við sóttkvíar- og handahófsskimun.

Fréttin verður uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.