Neyðarástand á Spáni og útgöngubanni komið á

Gunnar Reynir Valþórsson skrifar 26. október 2020 06:50

Öllum Spánverjum er nú óheimilt að fara út fyrir hússins dyr á nóttunni. Xavi Torrent/Getty Images

Neyðarástandi hefur verið lýst yfir á Spáni vegna kórónuveirufaraldursins sem þar geisar og útgöngubanni um nætur hefur verið komið á. Forsætisráðherrann Pedro Sánchez segir að nýju reglurnar verði fyrst í stað í gildi í tvær vikur, en að hann muni leggja það fyrir þingið að þær verði framlengdar um sex mánuði.

Spánverjar takast nú á við aðra bylgju faraldursins eftir að hafa orðið sérstaklega illa fyrir barðinu á veirunni í fyrstu bylgju. Flest öll önnur Evrópuríki hafa nú einnig gripið til harðari aðgerða vegna uppgangs veirunnar en samkvæmt Alþjóðaheilbrigðismálastofnuninni fjölgaði staðfestum tilfellum veirunnar í heiminum um rúmlega 465 þúsund í gær.

Það var þriðji dagurinn í röð sem met var sett í fjölda staðfestra smita á heimsvísu, þótt á það skuli bent að ríki heims hafa tekið sig mjög á í skimun fyrir veirunni sem skýrir að hluta aukningu smita.

Faraldur kórónuveiru (COVID-19) Spánn

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.