Innlent

Alls greindust 30 með kórónu­veiruna innan­lands

Atli Ísleifsson skrifar
Átján þeirra sem greindust voru í sóttkví við greiningu, eða 60 prósent. Tólf voru ekki í sóttkví.
Átján þeirra sem greindust voru í sóttkví við greiningu, eða 60 prósent. Tólf voru ekki í sóttkví. Vísir/Vilhelm

Alls greindust þrjátíu með kórónuveiruna innanlands í gær. Átján þeirra sem greindust voru í sóttkví við greiningu, eða 60 prósent. Tólf voru ekki í sóttkví.

Fram kemur í uppfærðum tölum á Covid.is að alls séu nú átján á sjúkrahúsi vegna Covid-19, þar af þrír á gjörgæslu. Í gær var 21 á sjúkrahúsi og þrír á gjörgæslu.

Sex smit greindust á landamærum í gær – eitt virkt smit og svo er niðurstöðu mótefnamælingar beðið í tilfellum fimm.

1.110 manns eru nú í einangrun, samanborið við 1.159 í gær. Þá eru 2.452 í sóttkví í dag, samanborið við 2.542 í gær.

Af þeim þrjátíu sem greindust í gær, greindust 28 eftir að tekin voru svokölluð einkennasýni hjá Landspítalanum eða Íslenskri erfðagreiningu, en tveir greindust eftir svokallaða sóttkvíar- eða handahófsskimun.

Þriðja bylgjan.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 230,7 en var 248,7 í gær. Þá er nýgengi landamærasmita nú 22,4, en var 22,9 í gær.

Nú hafa 4.308 manns greinst smitaðir af kórónuveiru frá upphafi faraldursins. Ellefu þeirra sem hafa veikst af Covid-19 eru látnir.

Alls voru tekin 992 einkennasýni hjá sýkla- og veirufræðideild Landspítalans og Íslenskri erfðagreiningu í gær og 457 sýni á landamærunum eða í seinni landamæraskimun. 395 sýni voru tekin við sóttkvíar- og handahófsskimun.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.