Þriðja hring á KPMG Women's PGA Championship, þriðja risamóti ársins í kvennaflokki er nýlokið. Leikið er á Aronimink Golf Club í Pennsylvaníu um helgina.

Það er hin suður-kóreska Sei Young Kim sem leiðir fyrir lokahringinn en hún er á samtals sjö höggum undir pari, með tveggja högga forystu á Brooke Henderson og Önnu Nordqvist sem eru saman í 2.sæti á samtals fimm höggum undir pari.

Sýnt verður beint frá lokahringnum á Stöð 2 Golf á morgun og hefst útsending klukkan 14:00.