Erlent

Mat­væla­á­ætlun Sam­einuðu þjóðanna hlýtur friðar­verð­laun Nóbels

Atli Ísleifsson skrifar
Beirut Port: Ships Supply Food Aid Destroyed In the Blast
Getty

Matvælaáætlun Sameinuðu þjóðanna hlýtur friðarverðlaun Nóbels í ár. Frá þessu greindi norska Nóbelsnefndin á fréttamannafundi sem hófst núna klukkan níu.

Matvælaáætlun Sameinuðu þjóðanna hlýtur verðlaunin fyrir baráttu sína gegn hungursneyð í heiminum og að bæta aðstæður og auka þar með líkur á friði á svæðum þar sem átök hafa geisað. Sömuleiðis hafi áætlunin verið drifkraftur í því að koma í veg fyrir að hungur sé notað sem vopn í átökum. 

Á vef Félags Sameinuðu þjóðanna á Íslandi segir að þriðjungur allrar neyðaraðstoðar með matvæli í heiminum komi frá Matvælaáætlun SÞ sem sé stærsta stofnun heims á sviði matvælaaðstoðar. Matvælaáætlun Sameinuðu þjóðanna var komið á laggirnar árið 1961 og eru höfuðstöðvar hennar að finna í Róm.

Alls voru 318 einstaklingar og 107 samtök tilnefnd til friðarverðlaunanna í ár.

BREAKING NEWS The need for international solidarity and multilateral cooperation is more conspicuous than ever. The...

Posted by Nobel Prize on Friday, 9 October 2020

Abiy Ahmed Ali, forsætisráðherra Eþíópíu, hlaut friðarverðlaun Nóbels á síðasta ári fyrir að stuðla að aukinni alþjóðlegri samvinnu og friði. Var þar sérstaklega vísað í baráttu hans til að binda enda á áralöng átök Eþíópíu og nágrannalandsins Eritreu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×