Erlent

Fyrsta smitið síðan í júlí

Atli Ísleifsson skrifar
Frá Nuuk í Grænlandi.
Frá Nuuk í Grænlandi. Getty

Maður sem kom til Grænlands frá Danmörku á dögunum hefur greinst með kórónuveiruna. Er um að ræða fyrsta smitið á Grænlandi síðan í júlí.

Sermitsiaq.AG sagði frá því í gær að viðkomandi hafi greinst í Nuuk eftir komu til landsins. Sömuleiðis er haft eftir heimildum að viðkomandi hafi virt sóttkví eftir komu.

Um er að ræða fimmtánda smitið sem upp kemur á Grænlandi, en síðasta tilfellið var í bænum Nanortalik, syðst á Grænlandi, í lok júlí. 

Þá greindist skipverji á rannsóknarskipi, en málið vakti mikla athygli á Grænlandi þar sem í ljós kom að skipverjar hefðu ekki farið að sóttvarnareglum við komuna til landsins og farið um bæinn.

Enginn hefur látist af völdum sjúkdómsins Covid-19 á Grænlandi.

Grænland Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið