Erlent

Ný­sjá­lendingum brátt heimilt að heim­sækja Ástralíu

Atli Ísleifsson skrifar
Frá alþjóðaflugvellinum í Sydney.
Frá alþjóðaflugvellinum í Sydney. Getty

Stjórnvöld í Ástralíu hafa ákveðið að innan tíðar verði Nýsjálendingum heimilt að heimsækja Ástralíu en löndin tvö hafa svo gott sem lokað landamærum sínum í kórónuveirufaraldrinum.

Frá 16. október næstkomandi verður Nýsjálendinum gert kleift að fljúga til héraðanna Nýju Suður-Wales og Norðursvæðisins án þess að þurfa að undirgangast sóttkví.

Ákvörðunin hefur verið tekin einhliða af Áströlum og segir varaforsætisráðherra Ástrala að það sé undir Jacindu Ardern, forsætisráðherra Nýsjálendinga, komið, hvort Ástralir fái viðlíka móttökur þar í landi.

Ástralir og Nýsjálendingar lokuðu landamærunum í mars til að hefta útbreiðslu kórónuveirunnar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×