Innlent

Íbúi í Vestmannaeyjum smitaður og níu í sóttkví

Kristín Ólafsdóttir skrifar
Frá Vestmannaeyjum.
Frá Vestmannaeyjum. Vísir/vilhelm

Íbúi í Vestmannaeyjum hefur greinst með kórónuveiruna og er nú í einangrun. Níu eru í sóttkví í Eyjum vegna smitsins. Þetta kemur fram í tilkynningu frá aðgerðastjórn almannavarna í Vestmannaeyjum.

Aðgerðastjórn ítrekar í tilkynningu að bæjarbúar gæti vel að einstaklingsbundnum sóttvörnum og almennum smitvörnum. Þá hvetur aðgerðastjórn bæjarbúa til að sækja smitrakningarapp almannavarna.

Þeir sem eru með flensueinkenni skuli halda sig heima og hafa samband við heilsugæsluna til að fá leiðbeiningar um sýnatöku.

Nokkrir íbúar á höfuðborgarsvæðinu smituðust af veirunni eftir að hafa verið í Vestmannaeyjum um verslunarmannahelgina í síðasta mánuði. Í kjölfarið þurftu tugir Eyjamanna að fara í sóttkví og einhverjir sýktust af veirunni.

Þá var gripið til sérstaklega harðra aðgerða í Eyjum í fyrstu bylgju faraldursins í vor þegar fjölmenn hópsýking kom upp í bænum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.