Lætur af störfum sem bæjar­stjóri

Karl Óttar Pétursson hefur óskað eftir að láta af störfum sem bæjarstjóri Fjarðabyggðar. 

Þetta kemur fram í tilkynningu á vef Fjarðabyggðar. Þar segir að samþykkt hafi verið að verða við ósk Karls Óttars og hafi hann þegar lokið störfum. 

„Sveitarfélagið þakkar Karli Óttari vel unnin störf og óskar honum velfarnaðar í framtíðinni. 

Bæjarráð Fjarðabyggðar fundar síðdegis í dag og mun senda frá sér yfirlýsingu að loknum fundi,“ segir í tilkynningunni.

Karl Óttar tók við embætti bæjarstjóra árið 2018.