Eldur kom upp í klæðningu smiðju Mjólkur­bús Flóa­manna

Slökkvilið Brunavarna Árnessýslu var kallað út í morgun eftir að eldur kom upp í klæðningu og einangrun smiðjuhúss Mjólkurbús Flóamanna á Selfossi.

Pétur Pétursson slökkviliðsstjóri segir í samtali við Vísi að þarna hafi menn notast við eld við gróðureyðingu og hann hlaupið í klæðninguna.

Hringt hafi verið í slökkvilið en þegar það mætti á staðinn hafi að mestu verið búið að slökkva eldinn.

Pétur segir að ekki sé um mikið tjón að ræða og að tilkynningin hafi komið rétt rúmlega klukkan 10:30.